Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
SA-spanne kan Leeus pak in sokkerstadions

Die Bulle, Haaie en Stormers kan die Britse en Ierse Leeus moontlik later vanjaar in Engelse sokkerstadions soos St. James’ Park en Villa Park pak.

Dit is deel van gebeurlikheidsplanne wat glo opgestel is vir ingeval die Leeus-toer na Suid-Afrika weens die Covid-19-pandemie verskuif sou word na Brittanje en Ierland.

“Ja en nee, afhangend of dit (geldelik) sin maak,” was ’n onberispelike bron se antwoord op Rapport se vraag of dit moontlik is dat die franchises in sokkerstadions kan speel.

“Maar ons is werklik ver daarvan (om besluite te neem). Almal span die kar voor die perde in.”

Op ’n vraag of ’n groter kans bestaan dat die reeks eerder oorsee as in Suid-Afrika gespeel sal word, het die bron geantwoord dis nog te vroeg om te sê.

Warren Gatland

“Die besluite gaan eers in Maart geneem word.”

Dit blyk wel daar is reeds sekerheid dat die Britse en Ierse Leeus nie na Suid-Afrika sal reis, sou enige van die wedstryde hier in leë stadions plaasvind nie.

Die afrigter Warren Gatland se span moet, soos sake tans staan, nog op 3 Julie in die Kaap teen die Stormers speel. Die Haaie sal op 10 Julie in Durban teen hulle te staan kom. Die Bulle en Gatland-hulle se afspraak is op 17 Julie op Loftus in Pretoria.

Die datum vir die eerste toets is 24 Julie in Johannesburg. Die tweede een is op 31 Julie in Kaapstad en die derde een op 7 Augustus in Johannesburg.

Die Britse koerant The Telegraph berig ’n moontlikheid bestaan dat die toetse na Londen, Cardiff en Dublin geskuif kan word, sou dit nie vir Suid-Afrika moontlik wees om die toer aan te bied nie.

’n Ingeligte het aan Rapport gesê die mini-Wêreldbekertoernooi wat Rugby Australië rondom Julie vanjaar wil aanbied, is nie ’n opsie vir die Bokke nie.

Meer oor:  Leeus-Toer  |  Covid-19
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.