Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Haaie se Wright kan eindelik tasse vir PE pak
Cameron Wright sal hoop om sy loopbaan weer by die Kings te laat vlamvat. Foto: Gallo Images

Ná weke se onderhandelinge is die knoop eindelik deurgehak en sal die amperse Springbok-skrumskakel Cameron Wright voortaan vir die Southern Kings beskikbaar wees.

Dis nou al lankal nie meer ’n geheim dat die Kings met die Haaie onderhandel het vir Wright se dienste nie.

Dis egter eers nou dat die Suid-Afrikaanse Rugbyunie weer die beheer van die Kings-franchise by ’n konsortium van sakelui teruggeneem het, dat die kontrak onderteken is.

Wright is in 2018 deur Rassie Erasmus, toe die Springbok-afrigter, na Washington D.C. geneem waar die Bokke ’n toets teen Wallis gespeel het.

Wright het toe nie speelkans gekry nie, met Embrose Papier en Ivan van Zyl wat bo hom verkies is vir die 23-tal.

Wright het sy debuut in 2014 vir die Haaie gemaak, waar hy deur Jake White (nou die Bulle se direkteur van afrigting en hoofafrigter) raakgesien is.

White het hom die jaar daarna Frankryk toe gelok en Wright het twee jaar vir Montpellier, wat toe deur White afgerig is, gespeel.

Stefan Ungerer

Hy is in 2018 terug na die Haaie, maar het veral die afgelope seisoen gesukkel om gereeld die uitsoekspan te haal.

By die Kings sal hy, onder andere, met Stefan Ungerer om ’n plek in die beginspan meeding.

Wright en Ungerer is albei 26 jaar oud en ken mekaar van jongs af. Hulle het eers as jongelinge mekaar vir ’n plek in die Haaie se jeugspanne en later die franchise-span opgekeil.

Ungerer het reeds in 2017 die eerste keer vir die Kings gespeel, waarna hy ’n jaar ’n draai by die Pumas gemaak het.

Hy het hom in 2018 weer by die Kings in Port Elizabeth aangesluit.

“Ons het vir ’n skrumskakel van gehalte gesoek en is baie opgewonde dat hy (Wright) deel van die Kings-familie gaan word,” sê Vuyo Zangqa, die Kings se agterlynafrigter, in ’n verklaring.

“Ons was op die uitkyk vir ’n ervare skrumskakel aangesien ons in Stefan Ungerer net een gesoute skrumskakel beskikbaar het.

Ons was op die uitkyk vir ’n ervare skrumskakel aangesien ons in Stefan Ungerer net een gesoute skrumskakel beskikbaar het.
Vuyo Zangqa

“Cameron sal nie net baie ervaring bied nie, maar ook vaardighede soos goeie skopwerk en sy vlugvoetigheid.”

Die Kings het in Josh Allderman en Gavin Mills ook twee jong, belowende skrumskakels, waarvan daar heelwat verwag word.

Meer oor:  Stefan Ungerer  |  Cameron Wright  |  Port Elizabeth  |  Haaie  |  Skrumskakel  |  Pro14  |  Stelskopper  |  Kings  |  Rugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.