Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Kriel, Coetzee ook dalk gou terug op Loftus

Die Suid-Afrikaanse Rugbyunie se pogings om meer Springbokke terug in die land te kry, gaan veral op Loftus Versfeld soete vrugte afwerp.

Die Blou Bulle Maatskappy (BBM) se uitvoerende hoof, Alfons Meyer, het bevestig dat die unie vlerksleep by die Bok-senter Jesse Kriel en -losvoorspeler Marcell Coetzee. Boonop het die BBM reeds vir Duane Vermeulen oortuig om terug te keer na Loftus. Hy sal vanaf 1 Junie 2020 tot 31 Augustus 2021 terug op die Pretorianers se boeke wees.

Die Springbok Duane Vermeulen speel in 2021 weer vir die Bulle Superrugby. Foto: Gallo Images

“Duane sal volgende jaar weer vir ons Superrugby speel,” het Meyer gesê. 

“Sou dit nodig wees, kan hy dalk ook vanjaar ’n wedstryd of twee in die Curriebeker-reeks speel, maar hy sal waarskynlik eerder in die Bokke se groep vir die Rugbykampioenskap ingesluit word.”

“Rassie (Erasmus) is baie opgewonde om Duane terug te hê en ons sal hom beslis nie ’n swaar werklas gee nie.”

“Ons wil ook graag vir Jesse (wat vir die Canon Eagles in Japan speel) terugbring. Dit hang alles af van hoe die Japanse seisoen lyk, maar dit is iets waarna ons kyk.”

DURBAN, SOUTH AFRICA - MARCH 30: Jesse Kriel of th
Jesse Kriel. Foto: Getty Images

Die Bulle sal binnekort met Coetzee se agent praat om vas te stel of ’n verskuiwing van Ulster, waar hy sedert 2016 speel, na Pretoria moontlik is.

Vermeulen speel op die oomblik vir die Kubota Spears in die Japanse liga. Die Bulle het hom met die hulp van die Suid-Afrikaanse Rugbyunie (Saru) gekontrakteer met die oog op die 2021-toer van die Britse en Ierse Leeus.

SA Rugby het sowat R60 miljoen tot hul beskikking vir salarisse vir top-spelers. Rapport het berig dat nie net Vermeulen terugkeer nie, maar ook Frans Steyn, wat hom ná die Franse Top14-liga by die Cheetahs gaan aansluit. Albei spelers sal deels uit die Saru-fonds betaal word.

Die R60 miljoen wat Saru vir salarisse opsy sit is volgens Rapport tot onlangs net onder 14 Bokke verdeel, maar ná Erasmus se ingryping trek 92 spelers nou voordeel daaruit.

Erasmus het dié verandering is gemaak omdat die 14-tal minder as die helfte van hul wedstryde by hul onderskeie franchises gewen het. Die kool was dus nie finansieel gesproke die sous werd nie. 

Meer oor:  Duane Vermeulen  |  Jesse Kriel  |  Bulle  |  Alfons Meyer  |  Marcell Coetzee  |  Bbm
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.