Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Kings sê nee dankie vir Bok-vleuel

Die voormalige Springbok-vleuel Jamba Ulengo sal nie volgende seisoen vir die Southern Kings speel nie.

Jamba Ulengo. Foto: Gallo Images

Deon Davids, die Kings se hoofafrigter, sê die Oos-Kaapse franchise was nie tevrede met Ulengo se mediese toetse nie.

Davids wou nie te veel besonderhede gee nie, maar sê die Kings het al te veel keer in die verlede hul vingers verbrand wanneer hulle spelers oor wie se fiksheid ’n vraagteken hang, gekontrakteer het.

“Ons het al te veel spelers gehad wat weens beserings nie aan ’n behoorlike voorseisoense oefenkamp kon deelneem nie en wat dan min deur ons gebruik kon word,” sê Davids.

Hy sê ook dis nie waar dat die Kings summier net ’n groot getal van hul spelers nie weer gaan kontrakteer nie.

“Ons (hy en Robbi Kempson, die Kings se hoëprestasie-bestuurder) monitor die situasie fyn,” sê Davids.

“Van die spelers kan steeds weer betrek word. Daar is verskeie dinge wat in ag geneem moet word.”

In hierdie stadium is daar nog geen nuus vanuit Toulon, met wie die Kings onlangs ’n samewerkingsooreenkoms aangegaan het, van spelers wat aan die Oos-Kaapse franchise geleen kan word nie.

Die onderhandelinge met die losskakel Demetri Catrakilis, wat in Engeland klubrugby speel, is ook nog hangende.

* Verskeie spelers van die Kings se groep het Woensdag in ’n vriendskaplike wedstryd vir die Oostelike Provinsie-Olifante teen die SWD-Arende in Plettenbergbaai gespeel.

Die Olifante was met 40-21 baas.

Van die klubspelers wat glo vir die Olifante gespeel en uitgeblink het, sluit in die skrumskakel Richmond Gora en die senter Sherwin Slater.

Meer oor:  Jamba Ulengo  |  Pro14  |  Kings
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.