Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
KYK: 18-jarige SBW se 1ste rugbygeveg
Sonny Bill Williams in aksie vir sy nuwe rugbyligaspan, die Toronto Wolfpack. Foto: Getty Images

Die voormalige All Black-ster Sonny Bill Williams is welbekend vir sy ongelooflike aangeë, fisieke teenwoordigheid en langlewendheid in die sport.

Williams (34) het ook tot voor 2009, toe hy hom tot die Islam bekeer het, gereeld om die verkeerde redes die hoofopskrifte gehaal gedurende ’n “wilde” tydperk vroeër in sy loopbaan.

Die onderstaande beeldmateriaal van ’n 18-jarige Williams wys op ’n jong en aggressiewe man waarmee jy nie moet skoor soek nie. Dit was terug in sy rugbyligadae.

Williams voel sy teenstander, Joe Falemaka, hou hom te lank op die grond vas. Hy stamp hom en ’n kort onderonsie volg.

Net wanneer dit lyk asof sake onder bedwang is, stap Williams terug na Falemaka en deel ’n klomp vuishoue uit. Die beamptes het genoeg gehad en stuur albei spelers van die veld af.

Williams vertrek eerste gevolg deur Falemaka – wat dan ’n groot flater begaan. Hy begin hardloop na die koelkas en trek sy trui uit terwyl hy op Williams afpyl. Williams staan egter gereed op die kantlyn en slaan Falemaka uit met ’n enkele vuishou.

Williams het sy staal voorheen in die bokskryt uitgestal en is onoorwonne in al sewe sy beroepsgevegte.

– Sportredaksie

Meer oor:  Toetsrugby  |  Sonny Bill Williams  |  Superrugby  |  All Blacks  |  Rugbyliga
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.