Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
KYK: 7 rooikaarte in ‘rugby-skande’
’n Rugbywedstryd in Frankryk die afgelope naweek tussen Tarbes en Lannemezan is in absolute chaos gedompel.

’n Boksgeveg met bietjie rugby tussenin. Dit is hoe die afgelope naweek se derbywedstryd tussen Tarbes en Lannemezan in Frankryk se Federale 1-liga beskryf word.

Die rugbygemeenskap is stomgeslaan nadat ’n skokkende bakleiery die kragmeting versuur het, met sewe spelers wat van die veld af gestuur is.

Rugby365 berig die wedstryd is kort ná die afskop vir sewe minute gestaak toe spelers en bestuur van albei klubs betrokke geraak het in die geweld.

Albei afrigters is afgestuur en vyf spelers het rooikaarte gekry voordat die kragmeting met 13 teen 12 hervat is. Tarbes het uiteindelik met 36-3 geseëvier, hoewel die tuisspan die wedstryd met 12 spelers geëindig het en Lannemezan met 11 nadat nog twee rooikaarte later in die verrigtinge uitgedeel is. Drie spelers het ook geelkaarte gekry.

Die Franse koerant La Depeche het die gedoente as “pateties, ontstellend en skandelik” beskryf.

Die Suid-Afrikaner Ulrich Pretorius (31), Tarbes se haker, het vir die Haaie en Boland Kavaliers gespeel voordat hy sy rugbyloopbaan in die 2014-’15-seisoen in Frankryk gaan voortsit het.

“Dinge het te ver gegaan en daar is nie gedink oor die gevolge wat sulke tonele vir jong kykers kan inhou nie,” sê hy. 

“Dit is gevaarlik vir almal, dinge kan baie vinnig verander.”

Die klubs beplan glo ’n gesamentlike mediakonferensie om jammer te sê nadat Alain Doucet, die president van die Ligue Occitanie de Rugby-reeks, gesê het die kompetisie is nou “rugby se onderwerp van bespotting”.

“Ek het nog nooit in my lewe iets soortgelyk gesien nie,” sê hy.

“Ek is diep teleurgesteld en seergemaak oor wat gebeur het. Hierdie wedstryd het in ’n nagmerrie ontaard.”

– Sportredaksie

Meer oor:  Tarbes  |  Ulrich Pretorius  |  Toetsrugby  |  Vuisgeveg  |  Superrugby  |  Alain Doucet  |  Lannemezan  |  Bakleiery
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.