Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
‘Laaste Nuweland-stryd’ motiveer

Terwyl ’n Curriebeker-eindstryd op Nuweland nog ’n moontlikheid is, benader die Westelike Provinsie Saterdag se halfeindstryd teen die Haaie asof hulle nie weer die geleentheid gaan hê om op hul tuisveld te speel nie.

Dawie Snyman, die WP se agterlynafrigter, sê die WP beskou Saterdag se Curriebeker-halfeindstryd teen die Haaie as hul laaste wedstryd op Nuweland, ongeag wat in die kragmeting tussen die Bulle en Leeus kan gebeur. Foto: Gallo Images

“Ons het Maandag daaroor gesels. Dis ’n eer vir die spelers. Ons beskou dit as ons laaste wedstryd op Nuweland,” sê Dawie Snyman, die WP se agterlynafrigter.

“Die laaste wedstryd sal vir almal wat dit gaan kyk en daarin speel ’n spesiale herinnering wees. Dis die afsluiting van ’n merkwaardige hoofstuk. Die spelers verteenwoordig nie net die unie nie, maar ook diegene wat voor hulle op Nuweland gespeel het.”

Dis ’n eer en voorreg om die reg te hê om vir ’n laaste keer op daardie veld op te draf.
Dawie Snyman

Sou die Leeus die Bulle in Saterdag se eerste halfeindstryd klop en die WP daarna met die Haaie afreken, sal vanjaar se eindstryd op Nuweland wees.

In die WP-kamp word daar egter nie op die permutasies gefokus nie.

“Ons kyk nie verder as ons wedstryd nie en vestig nie ons hoop op ’n ander een nie. Sover dit ons raak, is hierdie ons laaste wedstryd (op Nuweland),” sê Snyman.

“Dit gaan nie vir ons die wedstryd wen nie, maar dit bied ’n bietjie ekstra motivering, want dis ’n eer en voorreg om die reg te hê om vir ’n laaste keer op daardie veld op te draf.”

Herschel Jantjies, die WP se Springbok-skrumskakel, sê die WP-spelers bemoei hulle nie met permutasies oor waar ’n Curriebeker-eindstryd gespeel kan word nie. Foto: Gallo Images

Volgens die Springbok-skrumskakel Herschel Jantjies word daar nie verder as die wedstryd teen die Haaie gekyk nie.

“Kom ons sê die Leeus wen en ons verloor teen die Haaie, dan is Nuweland in elk geval iets van die verlede. So ons fokus is uitsluitlik daarop om die Haaie te klop en ons is nie gepla oor wat elders gebeur nie,” sê hy.

• Die Stormers en WP speel van aanstaande jaar af hul rugby in die Kaapstad-stadion, wat dan as die DHL-stadion bekend sal staan nadat dié logistieke maatskappy, wat ook die Stormers en Streeptruie borg, die naamregte bekom het.

• Saterdag se halfeindstryd op Nuweland begin om 16:30.

Meer oor:  Westelike Provinsie  |  Wp  |  Curriebeker-Halfeindstryd  |  Nuweland  |  Curriebeker  |  Rugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.