Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Marx deur medespelers vereer
Malcolm Marx se uitstaande spel die afgelope jaar het nie ongesiens verbygegaan nie. Foto: Gallo Images

Die Springbok-haker Malcolm Marx was Dinsdagaand in Sandton die groot wenner by die BrightRock Players Choice-prysuitdeling, waar hy met twee eerbewyse weggestap het.

Marx (24), wat deur baie as die beste haker in wêreldrugby beskou word, is vereer met twee gesogte toekennings: as die Spelers se Speler van die Jaar én die Voorspeler van die Jaar.

Hy het die Bok-kaptein, Siya Kolisi, wat ’n benoemde in albei dié kategorieë was en verlede jaar die twee toekennings verwerf het, uitgestof.

Marx was vroeër vanjaar ook ’n benoemde as Wêreldrugby se Speler van die Jaar.

Die ander benoemdes as Spelers se Speler van die Jaar was Aphiwe Dyantyi en Kwagga Smith.

Smith en Pieter-Steph du Toit is ook benoem as Voorspeler van die Jaar.

Aphiwe Dyantyi

Die 24-jarige Dyantyi, ’n vleuel, is as Agterspeler van die Jaar bekroon. Hy het die veelsydige agterspeler Damian Willemse, die senter Lukhanyo Am en Zenay Jordaan van die Springbok-sewesspan om die prys uitgestof.

Dyantyi, wat vanjaar sy Springbok-debuut gemaak het nadat hy in 2017 nog vir die Universiteit van Johannesburg in die Varsitybeker-reeks uitgedraf het, is ook vereer as die speler wat die meeste verbetering getoon het.

Hy het net verlede maand weggestap met die prys as Wêreldrugby se Deurbraakspeler van die Jaar.

Du Toit, wat op slot en as losvoorspeler vanjaar vir die Bokke diens gedoen het, is vereer as Verdediger van die Jaar. Die Bok-slot Franco Mostert, Kolisi en die Blitsbok Werner Kok was die ander benoemdes in die kategorie.

Die Blitsbok Zain Davids is as die beste plaasvervanger vereer, terwyl die Leeu-losvoorspeler Hacjivah Dayimani die Ondersteuners se Speler van die Jaar is.

Eerbewyse:

Spelers se Speler van die Jaar: Malcolm Marx

Voorspeler van die Jaar: Malcolm Marx

Agterspeler van die Jaar: Aphiwe Dyantyi

Verdediger van die Jaar: Pieter-Steph du Toit

Beste Plaasvervanger: Zain Davids

Meeste vordering: Aphiwe Dyantyi

Ondersteuners se Speler van die Jaar: Hacjivah Dayimani


Meer oor:  Aphiwe Dyantyi  |  Pieter-Steph Du Toit  |  Malcolm Marx  |  Johannesburg  |  Toekenning  |  Haker
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.