Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Marler vir 10 weke geskors oor dáái gryp
Die Engelse stut Joe Marler (middel) glimlag skaapagtig net nadat hy Alun Wyn Jones (regs), Wallis se kaptein, aan die geslagsdele beetgekry het. Foto: Getty Images

Die Engelse stut Joe Marler is Donderdagaand vir 10 weke geskors nadat hy Alun Wyn Jones, kaptein van Wallis, aan sy geslagsdele gegryp het in die spanne se Sesnasies-rugbytoets op 7 Maart op Twickenham.

Marler is in Dublin verhoor.

Hy het volgens walesonline.co.uk die reg om appèl aan te teken.

Die klag teen hom was dat hy in die eerste helfte ’n speler van Wallis “aan die geslagsdele beetgekry het” en dit “gedruk en gedraai” het.

Die stut erken hy hét oortree, maar ontken dat hy die speler se geslagsdele gedruk en gedraai het. Hy dink ook nie die voorval het ’n rooikaart regverdig nie.

Die dissiplinêre komitee het egter die klag gehandhaaf.

Sy aanvanklike skorsing van 12 weke is, ná versagtende faktore in ag geneem is, met drie weke verminder.

Dit is toe weer met ’n week verleng nadat onlangse dissiplinêre rekord ter sprake gekom het.

Marler, wat al by meer as een geleentheid in omstrede voorvalle op en van die veld betrokke was, sal eers op 8 Junie weer rugby kan speel.

Op Twitter was daar vinnige en skerp reaksie op die skoring. Die (ewe omstrede) TV-persoonlikheid Piers Morgan was blitsig by met 'n gevatte woordspeling.

– Sportredaksie

Meer oor:  Alun Wyn Jones  |  Joe Marler  |  Wallis  |  Engeland  |  Toets  |  Sesnasies  |  Rugby  |  Stut  |  Geskors
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.