Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Ná WB-toernooi kom die Groot Trek
Handré Pollard
Handré Pollard het bewys hy is Suid-Afrika se beste losskakel. Foto: Gallo Images

Tot 15 Springbokke wat nou rande verdien, se salarisse kan ná die Wêreldbekertoernooi in pond, jen of euro betaal word.

Hulle is deel van sowat 55 van die land se topspelers wat volgens Rapport se inligting nog nie hul kontrakte met hul Superfranchises verleng het nie óf reeds oorsee geteken het. Dié name (kyk na grafika) is die afgelope week met verskeie invloedryke rolspelers bevestig.

Groot kanonne soos Malcolm Marx, Handré Pollard en Pieter-Steph du Toit tel onder diegene wat nog nie hul kontrakte met die Leeus, Bulle, Haaie en Stormers hernu het nie.

Die Super-spanne probeer als in hul vermoë om hul topspelers te oortuig om te bly, maar dit lyk of die grootste gros van hulle op die trein is wat reeds die stasie verlaat het.

Die Super-spanne probeer als in hul vermoë om hul topspelers te oortuig om te bly, maar dit lyk of die grootste gros van hulle op die trein is wat reeds die stasie verlaat het.

Met al die ervaring wat verlore gaan, vrees van die plaaslike franchises of hulle nog enigsins ’n krag in volgende jaar se Superreeks sal wees. Al die franchises het puik jong talent, maar die afwesigheid van genoegsame ervaring kan hul Super-kanse met die oog op volgende jaar se toernooi dramaties verminder.

Selfs ’n Pro14-span soos die Cheetahs kan geraak word. Spelers soos Oupa Mohoje, Rudy Paige, Nico Lee en Henco Venter (Toshiba Brave Lupus) se beskikbaarheid vir 2020 vir die Vrystaters moet nog bevestig word.

Met die Japanse Topliga wat volgende jaar die eerste keer met Superrugby oorvleuel vanweë die Wêreldbekertoernooi, sal spelers wat in Japan speel, nie in 2020 vir die Stormers, Haaie, Bulle of Leeus beskikbaar wees nie.

rugby

In die verlede het dié spelers die Curriebeker misgeloop, maar betyds vir Superrugby teruggekeer.

Rapport het die afgelope week met verskeie ingeligtes gepraat oor die redes waarom die spelers oorsese kontrakte aanvaar en oorweeg.

Beter salarisse is een van die belangrikste redes. In sekere uitsonderlike gevalle kan spelers tot R4 miljoen per jaar meer oorsee as in Suid-Afrika verdien.

“Die onsekerheid oor Suid-Afrika se stabiliteit as land beïnvloed egter veral hul besluitneming,” het ’n ingeligte gesê.

“Die spelers kan ’n beter toekoms aan hul gesinne bied deur ’n Europese of Japanse paspoort te bekom.”

Nog ’n ingeligte na aan verskeie van die land se topspelers beweeg, sê die lewenskoste is nie so hoog oorsee nie.

Verblyf buite Londen is nie te duur nie. Japanse en Franse klubspanne betaal op hul beurt vir die spelers se verblyf.

“Verblyf buite Londen is nie te duur nie. Japanse en Franse klubspanne betaal op hul beurt vir die spelers se verblyf.

“Dit is duurder om daar uit te eet. Elektronika is egter goedkoper. Medies ook. Selfs polisse is goedkoper.”

Die Suid-Afrikaanse Rugbyunie (Saru), die franchises en van die spelers wil as ’n eerste prys hê iemand soos Du Toit moet in Suid-Afrika bly, maar die finansiële druk is enorm wat spelers se besluit vergemaklik om liefs oorsese kontrakte te aanvaar.

Saru het onlangs aangedui dat hy Wêreldrugby se regulasie 9 van 2020 af streng gaan toepas. Dit kan in sekere gevalle van die oorsese klubspanne afskrik wat met topspelers onderhandel.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.