Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Omstrede Bastareaud lei Hane
Die senter Mathieu Bastareaud is Frankryk se kaptein vir sy Sesnasies-wedstryd teen Wallis. Foto: Getty Images

Die omstrede senter Mathieu Bastareaud is Donderdag aangewys as Frankryk se kaptein vir hul Sesnasies-rugbystryd teen Wallis in Cardiff.

Guilhem Guirado, die gereelde kaptein wat in 38 van Frankryk se laaste 44 toetse in die span was, het hom weens ’n kniebesering aan die Hane se span onttrek.

Jacques Brunel, Frankryk se afrigter, het Bastareaud as kaptein gekies ondanks die feit dat hy onlangs ’n skorsing weens homofobiese aanmerkings tydens ’n klubwedstryd uitgedien het.

Dié bielie-senter van Toulon het die wedstryde teen Ierland en Skotland misgeloop nadat hy Sebastian Negri, ’n flank van Treviso, in ’n Europese Kampioenebeker-stryd as ’n “f***ing faggot” uitgekryt het.

Frankryk is vierde op die Sesnasies-reeks se puntelys, een punt agter Wallis, wat in die tweede plek is.

Vier veranderings is aan die Franse span aangebring: Benjamin Fall skuif van vleuel af heelagter toe, Gael Fickou skuif van die plaasvervangersbank af vleuel toe, Adrien Pelissie vervang vir Guirado op haker en Cedate Gomes Sa vervang vir Rabah Slimani op vaskop.

Frankryk is vierde op die Sesnasies-reeks se puntelys, een punt agter Wallis, wat in die tweede plek is.

Ierland, wat vanjaar onoorwonne is, het reeds die titel beklink.

Frankryk se span:
Benjamin Fall, Gael Fickou, Mathieu Bastareaud (k), Geoffrey Doumayrou, Remy Grosso, Francois Trinh-Duc, Maxime Machenaud, Marco Tauleigne, Yacouba Camara, Wenceslas Lauret, Sebastien Vahaamahina, Paul Gabrillagues, Cedate Gomes Sa, Adrien Pelissie, Jefferson Poirot. PLAASVERVANGERS: Camille Chat, Dany Priso, Rabah Slimani, Bernard Le Roux, Mathieu Babillot, Baptiste Couilloud, Lionel Beauxis, Geoffrey Palis.

Meer oor:  Mathieu Bastareaud  |  Cardiff  |  Hane  |  Sesnasiesreeks  |  Rugby  |  Europa
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.