Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Jacques straks binnekort ’n Haan
Jacques du Plessis in aksie vir sy Franse klubspan Montpellier. Foto: Getty Images

’n Voormalige losvoorspeler van die Bulle, Jacques du Plessis, kan straks in die afsienbare toekoms vir Frankryk toetsrugby speel nadat Fabien Galthié, nuwe afrigter van die Hane, glo voelers na hom uitgesteek het.

In Frankryk berig lequipe.fr dat Galthié die afgelope week die Franse klubspan Montpellier besoek het, waar hy onder andere met Du Plessis gesels het.

Die 26-jarige Du Plessis, ’n boorling van Pongola, is ewe tuis op slot as in die lostrio. Hy het die Suid-Afrikaanse Skolespan in 2011 en die Junior Bokke in 2013 verteenwoordig.

Hy het vir die Bulle gespeel, voordat hy in 2015 sy heil in Frankryk gaan soek het. In 2018 was daar sprake dat hy na die Bulle wou terugkeer, omdat hy graag ’n Springbok wou word.

Hy het vir die Bulle gespeel, voordat hy in 2015 sy heil in Frankryk gaan soek het. In 2018 was daar sprake dat hy na die Bulle wou terugkeer, omdat hy graag ’n Springbok wou word.

Du Plessis het reeds as jongeling aandag getrek en was in 2014 deel van ’n Bok-oefenkamp.

Met die 33-jarige Springbok-agtsteman Duane Vermeulen wie se loopbaan straks einde se kant toe staan, sal dit Rassie Erasmus, die Suid-Afrikaanse Rugbyunie se direkteur van rugby, straks loon om ook met Du Plessis te praat.

Dit is nie ’n nuutjie dat die Hane Suid-Afrikaners vir hul toetsspan oorweeg nie. Die slot Paul Willemse het vanjaar sy toetsbuiging vir die Hane gemaak en daar was in die onlangse verlede ook spelers soos Bernard le Roux (flank), Rory Kockott (skrumskakel) en Scott Spedding (heelagter), om maar net enkeles te noem. – Sportredaksie

Meer oor:  Jacques Du Plessis  |  Fabien Galthié  |  Montpellier  |  Toetsrugby  |  Losvoorspeler  |  Hane  |  Blou Bul  |  Rugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.