Arthur Summons by die Provan-Summons-trofee.Foto: Getty Images
Arthur Summons, ’n voormalige Wallaby-losskakel wat later ’n groot gees in rugbyliga geword het, is Sondag in die ouderdom van 84 oorlede.
Summons het tien toetse vir die Wallabies in 1958 en 1959 gespeel voordat hy van kode verander en in 1960 gaan ligarugby speel het.
Hy het 27 keer vir Australië se nasionale rugbyligaspan, die Kangaroos, in toetse uitgedraf.
Die West Tigers, ’n rugbyligaklub vir wie hy gespeel het, het sy dood in ’n verklaring bevestig.
“Ons het ’n ware reus in rugbyliga verloor,” het die West Tigers se uitvoerende hoof, Justin Pascoe, gesê.
Summons was ’n skrumskakel in dié rugbyliga.
Hy het die Kangaroos ook in vyf toetse aangevoer en was later ook ’n afrigter.
Die bronsbeeld wat Australiese rugbyliga se NRL-trofee dien, is geïnspireer deur ’n foto van Summons en ’n opponerende kaptein, Norm Provan, in ’n omhelsing ná 1963 se modderbad-eindstryd.
Summons se beeld en gees sal daarop voortleef vir solank as wat daar rugbyliga gespeel word. – Reuters
