Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Poema-trio se skorsing opgehef
NEWCASTLE, AUSTRALIA - NOVEMBER 28: Pablo Matera o
Pablo Matera / Getty Images

Die Argentynse Rugbyunie (UAR) het sy skorsing opgehef teen drie spelers wat jare gelede rassistiese en xenofobiese uitlatings op sosiale media gemaak het.

Hulle is dus beskikbaar vir Saterdag se Drienasiestoets teen Australië, maar is egter nie by die Poemas se  23-tal ingesluit nie.

Lees meer oor Saterdag se spanne hier.

Pablo Matera is Dinsdag van die Poema-kapteinskap gestroop en saam met sy spanmaats Guido Petti en Santiago Socino geskors weens neerhalende uitlatings tussen 2011 en 2013 teenoor swart mense en diegene van Suid-Amerikaanse lande.

Die skandaal het die Argentynse toergroep in chaos gedompel voor die land se laaste toets van 2020 teen die Wallabies in Sydney.

Die UAR het Dinsdag gesê hy “verwerp die diskriminerende en xenofobiese uitlatings” en dat hy dit as “onaanvaarbaar beskou dat diegene wat dit uitspreek, ons land verteenwoordig”.

Dié beheerliggaam het Donderdag egter ’n ander deuntjie gesing.

Volgens Stuff berig La Nación, ’n Argentynse publikasie, dat sekere gesaghebbende spelers in die Poema-groep gedreig het om te staak indien die UAR nie sy besluit om die spelers te skors, verander nie.

La Nación beweer die UAR het erken die drie spelers geniet die ondersteuning van hul spanmaats, voormalige Poemas en klubs in Argentinië.

Dit het Woensdag aan die lig gekom die Poemas glo die destydse twiets is deur ontevrede Argentynse aanhangers opgediep in ’n poging om die span te saboteer weens sy oënskynlike gebrek aan respek vir die ontslape Diego Maradona.

– Reuters, Sportredaksie

Meer oor:  Diego Maradona  |  Xenofobie  |  Drienasiesreeks  |  Pablo Matera  |  Toetsrugby  |  Mario Ledesma  |  Rassisme  |  Poemas  |  All Blacks  |  Sokker
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.