Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Rugby kry 'n nuwe vyfman-formaat

’n Nuwe rugbyformaat, waar spanne uit slegs vyf spelers bestaan, gaan straks vanjaar die eerste keer op die proef gestel word nadat Wêreldrugby glo toestemming daarvoor gegee het.

Die Engelsman Ben Ryan het gehelp om die nuwe formaat van rugby te ontwikkel. Foto: Getty Images

Dié nuwe formaat, wat Rugby X heet, gaan luidens ’n berig in The Times in Brittanje vanjaar in ’n toernooi in Londen aan die wêreld bekend gestel word.

Wêreldrugby, die internasionale beheerliggaam van die sport, hoop dié nuwe formaat sal die spel se finansies verbeter en dit ook aanskouliker vir toeskouers maak – soos wat T20-krieket vir dié spel gedoen het.

Vyf toernooie oor die wêreld heen word vir 2020 beplan, met die Britse uitsaaier ITV wat reeds in gesprekke is om die eerste byeenkoms, in Londen se 02-arena, aan te bied.

Van die wêreld se voorste sewesspanne soos Engeland, Australië, Fidji, Wallis en Frankryk word as moontlike deelnemers genoem.

Ben Ryan, wat Engeland en Fidji se sewesspanne gebrei het, het gehelp om die spel te ontwikkel, met wedstryde wat tien minute lank is en binnenshuis op sintetiese velde beslis word.

Rugby X plaas ’n hoë premie op vinnige spel. Daar is nie ’n rustyd nie en spanne ruil ook nie kante nie. Spel word hervat van die verdedigende span se kant, nadat ’n drie gedruk is.

Die drieman-skrums is onbetwis, met lynstane wat vervang word deur ’n gooi deur die plaasvervanger van die span wat besit geniet.

– Reuters

Meer oor:  Toetsrugby  |  Superrugby  |  Sesnasies
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.