Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
SA Rugbyunie bankvas agter Etzebeth
Eben Etzebeth / Foto: Gallo Images

Die Suid-Afrikaanse Rugbyunie (Saru) glo in die Springbok-slot Eben Etzebeth se onskuld ondanks bewerings op sosiale media dat hy Saterdag by ’n kroeg in Langebaan by ’n rassistiese voorval en aanranding betrokke was.

“Ons vertrou ons mense om verantwoordelik op te tree en altyd die waarheid te vertel. Ons het met Eben gepraat en hy ontken ten sterkste dat daar van sy kant af enige fisieke aanranding of rassistiese beledigings was,” het Saru Maandag in ’n nuusverklaring gesê.

“Hy is ’n lid van die Sprinbgbok-groep en sal een bly tensy die polisie ons vra om dit te heroorweeg.”

Etzebeth (27), wat al die Springbokke verskeie kere aangevoer het, het na bewering met ’n groep mans gekuier toe lede van dié groep met ’n ander groep mans slaags geraak het. Die polisie ondersoek ’n klag van aanranding.

Etzebeth is op sosiale media daarvan beskuldig dat hy niks gedoen het om die bakleiery te stop nie, al het hy na bewering nie iemand self aangerand nie.

Saru het bygevoeg dat hy sy samewerking sal gee in ’n ondersoek.

“Saru is ’n wetsgehoorsame lid van die Suid-Afrikaanse samelewing en is ten sterkste teen geweld en rassistiese beledigings gekant. Daar sal geen plek in ons Wêreldbeker-groep wees vir enigiemand wat daardie beginsels minag nie,” sê die beheerliggaam.

Die Springbokke se Wêreldbeker-groep word Maandagmiddag om 15:00 aangekondig en Etzebeth se naam sal straks uitgelees word as een van die 31 uitverkorenes.

Meer oor:  Bokke  |  Eben Etzebeth  |  Toetsrugby  |  Springbokke  |  Wêreldbekerrugby  |  Saru
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.