Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Sanzaar sluit Bokke in by bepalings
Gaan die Bokke vanjaar hulle Rugbykampioenskap-titel verdedig? Foto: Getty images

Die Springbokke begin sy veldtog om sy Rugbykampioenskaptitel te verdedig met ’n wegwedstryd teen Argentinië – in Brisbane – voor hulle “tuis” speel teen die Wallabies in Sydney.

Sanzaar, die beheerliggaam vir rugby in die Suidelike Halfrond, het sy bepalings vir die reeks oornag bekendgemaak terwyl die meeste Suid-Afrikaners vas aan die slaap was voordat hulle Donderdag Erfenisdag vier.

Suid-Afrika se deelname aan die toernooi moet nog bevestig word, maar Sanzaar het sy planne bekendgemaak vir ’n reeks wat uit 12 kragmetings bestaan en oor ses weke beslis word. Dit sal van 7 November tot 12 Desember in Australië (in Brisbane, Newcastle en Sydney) plaasvind.

Die Bokke speel op agtereenvolgende naweke teen die All Blacks – ’n wegwedstryd in Sydney voordat hulle “gasheer speel” vir die Kiwi’s in Newcastle – voordat die toernooi na Sydney vir die laaste twee rondes terugkeer.

Maar daar heers steeds onsekerheid of die Bokke sal deelneem, deels omdat plaaslike rugby in Suid-Afrika eers Saterdag hervat. In Nieu-Seeland en Australië word daar egter al maande lank rugby gespeel.

Die Bokke se afrigter, Jacques Nienaber, en sy bestuurspan is tereg bekommerd oor die Suid-Afrikaners se fiksheid, welstand en spelpeil en is daarom versigtig om te vinnig weer toetsrugby te speel.

Boonop het die Suid-Afrikaanse regering nog nie sy verbod gelig op internasionale sportbyeenkomste nie, ’n maatreël wat daargestel is weens die Covid-19-pandemie.

RUGBYKAMPIONSKAPBEPALINGS:

Eerste ronde, 7 November - Suncorp-stadion, Brisbane:

Argentinië t. Suid-Afrika

Australië t. Nieu-Seeland

Tweede ronde, 14 November - Bankwest-stadion, Sydney:

Nieu-Seeland t. Argentinië

Suid-Afrika t. Australië

Derde ronde, 21 November - ANZ-stadion, Sydney:

Nieu-Seeland t. Suid-Afrika

Australië t. Argentinië

Vierde ronde, 28 November - McDonald Jones-stadion, Newcastle:

Argentinië t. Australië

Suid-Afrika t. Nieu-Seeland

Vyfde ronde, 5 Desember - Bankwest-stadion, Sydney:

Argentinië t. Nieu-Seeland

Australië t. Suid-Afrika

Sesde ronde, 12 Desember - ANZ-stadion, Sydney:

Suid-Afrika t. Argentinië

Australië t. Nieu-Seeland

Meer oor:  Bokke  |  Toetsrugby  |  Rugbykampioenskap  |  Springbokke  |  Wallabies  |  Poemas  |  All Blacks  |  Saru  |  Sanzaar
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.