Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Slegte nuus kry Rudy Joubert nie onder

Dit is ’n groot teleurstelling, maar dit beteken ons moet net harder werk.

Rudy Joubert, die Valke se uitgeslape breier. Foto: Gallo Images

Dít was die boodskap van Rudy Joubert, die Valke se direkteur van rugby, nadat die geboorte van die Rapid Rugby-liga met ’n jaar uitgestel is.

Joubert en die Valke se bestuur was die afgelope week nog in Maleisië toe hulle die nuus gekry het dat die kompetisie – wat deur die Australiese magnaat Andrew “Twiggy” Forrest bedink en gefinansier word – net ’n maand voor die afskop op ys gesit is.

Die Valke sou in Maleisië kamp opslaan vir die kompetisie, waaraan spanne van Fidji, Samoa, Singapoer, Hongkong en die Western Force ook sou deelneem, met ’n prysgeld van 1 miljoen Australiese dollar.

“Ons was Donderdagmiddag – Maleisiese tyd – in ’n telekongesprek met die uitvoerende hoof van Rapid Rugby. Almal teenwoordig was uiters verbaas en teleurgesteld. Ons het op Rapid Rugby se versoek die week na Maleisië toe gekom om die finale reëlings te kan tref.

“Maar nou gaan ons net harder werk,” het Joubert bygevoeg.

Joubert beskou die kompetisie steeds as “ ’n groot geleentheid vir die spelers” en was beïndruk deur die geriewe wat die Valke in Maleisië sou gebruik.

Die geriewe is baie goed en die stadion is waarskynlik die beste van al die lande s’n in die kompetisie.
Rudy Joubert

“Die geriewe is baie goed en die stadion is waarskynlik die beste van al die lande s’n in die kompetisie. Ek is ook beïndruk deur die mediese geriewe. Die openbare vervoer is netjies en doeltreffend.

“Die Valke is steeds positief en gemotiveerd om saam met Rapid Rugby die toernooi ’n groot sukses te maak. Rapid Rugby het die Valke ook gelukgewens met alles wat ons in ’n kort tyd vermag het.

“Die 2020-ooreenkomste gaan binne die volgende week of twee afgehandel word en ons is beslis deel daarvan.”

Meer oor:  Valke  |  Uitgestel
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.