Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Swys: Bokke kom 1ste in WB-jaar
Swys de Bruin, afrigter van die Leeus en aanvalskonsultant van die Springbokke. Foto: Gallo Images

Die All Blacks is steeds die span wat geklop moet word in vanjaar se Wêreldbeker-toernooi in Japan.

Swys de Bruin, die Leeus se hoofafrigter wat die Springbok-afrigter, Rassie Erasmus, verlede jaar bygestaan het as sy aanvalskonsultant, het Vrydag in die Johannesburg-stadion gesê daar moet nie ’n vals beeld van veiligheid geskep word net omdat die Bokke verlede jaar goeie rekenskap van hulself teen die Nieu-Seelanders gegee het nie.

“Ons het wel goed gedoen teen hulle, maar die All Blacks is steeds die voorste span ter wêreld en ek glo ook van hul spanne sal die gunstelinge wees in die Superrugby-reeks,” sê De Bruin.

Erasmus het Donderdag besoek afgelê by die span van die Goudstad en sy planne vir die jaar aan hulle uitgestippel.

“Hy het vir ons gesê hoe hy wil hê die spelers moet rus sodat hulle behoorlik slaggereed kan wees vir die Wêreldbeker. In ’n Wêreldbeker-jaar soos hierdie kom die Springbokke eerste,” het De Bruin gesê.

In ’n Wêreldbeker-jaar soos hierdie kom die Springbokke eerste.
Swys de Bruin

Volgens De Bruin is dit egter ook vir hulle by die Leeus belangrik dat hulle ’n goeie kans gegun word om hul beste in die Superreeks te lewer.

“Ons sal moet slim boks en toesien dat ons Springbokke goed afgewissel word en nie oorspeel word nie, sodat hulle genoeg rus- en herstelkans tydens die Superreeks kry. Daar is ’n fyn balans wat gehandhaaf moet word, maar ons is oorgehaal om dinge korrek te doen,” sê hy.

Frans van Wyk, veelsydige stut van die Bulle, gaan sy loopbaan by die Leeus voortsit. Foto: Gallo Images

“Ek is realisties oor die situasie waarin ons is en besef daar moet aan die groter prentjie gedink word.”

Die Leeus se breier het ook bevestig dat die Bulle-stut, Frans van Wyk, ’n eertydse leerling aan die Hoërskool Monument in Krugersdorp, hom by die Leeus aangesluit het.

“Frans is ’n vaskopstut wat ook aan die loskopkant kan sak. Hy kom hier uit ons wêreld en ken van die spelers wat hier is aangesien hulle saam by Monnas gespeel het.

"Hy sal sommer maklik inskakel en ons stut-geledere help versterk,” vertel De Bruin.

Meer oor:  Rassie Erasmus  |  Swys De Bruin  |  Johannesburg  |  Leeus  |  Springbokke  |  Superrugby  |  Wereldbeker  |  Afrigter  |  Rugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.