Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Top-amptenaar by Bulle bedank

Die winde van verandering waai steeds by Loftus Versfeld met Xander Janse van Rensburg, die Blou Bulle Maatskappy (BBM) se hoëprestasiebestuurder, wat bedank het.

Xander Janse van Rensburg, die Blou Bulle Maatskappy se hoëprestasiebestuurder. Foto: Gallo Images

Willem Strauss, president van die Blou Bulle Rugbyunie (BBRU) en voorsitter van die Bulle-direksie, het bevestig Janse van Rensburg het sy bedanking ingedien.

Hy was onder meer verantwoordelik vir die kontraktering van spelers.

Die skielike bedanking – in die week wat die Bulle vir hulle eerste wedstryd in vanjaar se Superreeks voorberei – beteken dat daar ’n totale bewindsoorname by Loftus was die afgelope paar maande.

Willem Strauss het in Maart verlede jaar by Gert Wessels as president oorgeneem, terwyl John Mitchell, die hoofafrigter en hoof van rugby, later die seisoen bedank het om by Engeland se nasionale span aan te sluit.

Pote Human rig vanjaar die span af.

Barend van Graan, het verlede maand – ná 35 jaar se betrokkenheid by die Bulle – die tuig neergelê as uitvoerende hoof van die BBM en is sedertdien deur Alfons Meyer opgevolg.

Die BBM het aangedui hy sal later ’n verklaring oor Janse van Rensburg uitstuur.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.