Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Virus eis ál meer Hane, Skotte wil speel

Sondag se Sesnasiestoets in Parys tussen Frankryk en Skotland is in die weegskaal nadat nog vyf Hane positief getoets is vir die koronavirus.

Charles Ollivon, Frankryk se kaptein. Foto: Getty Images

Rugby365 berig die Franse kaptein, Charles Ollivon, het die virus opgedoen en sal die kragmeting misloop saam met nege ander Les Bleus-spelers – en 14 groeplede in totaal – wat positief getoets is. Hulle sluit in die span se afrigter, Fabien Galthie, en die sterskrumskakel Antoine Dupont.

Les Bleus is boaan die Sesnasies-punteleer ná oorwinnings in die eerste twee rondes teen Italië en Ierland.

’n Besluit of oor die wedstryd sal voortgaan, word Woensdag geneem. Skotland sê in ’n verklaring hy is gretig dat die toets Sondag beslis word.

Die organiseerders van die reeks sê in ’n verklaring indien daar besluit word dat die wedstryd nie kan voortgaan nie, sal dit vir die vroegste moontlike datum geherskeduleer word.

Ollivon, Brice Dulin, Cyril Baille, Romain Taofifenua en Peato Mauvaka is Maandag positief getoets.

Mauvaka is die enigste van die tien spelers wat nie lid was van die 23-tal vir die vorige toets teen Ierland nie.

Die betrokke spelers en personeel wat positief getoets is, sal huis toe keer om te isoleer terwyl die res van die span Woensdag na die oefenveld terugkeer, met toetse wat elke 24 uur gedoen sal word.

Dupont, die senter Arthur Vincent, haker Julien Marchand, vleuel Gabin Villiere en stut Mohamed Haouas is reeds in isolasie nadat hulle verlede week positief getoets is.

Galthie en die hulpafrigter William Servat is ook vandeesweek positief getoets en bly in isolasie.

Die groentjies Gaetan Barlot, Thierry Paiva en Cyril Cazeaux het hulle by die span aangesluit, asook Baptiste Pesenti en Thomas Ramos.

Skotland is vierde op die punteleer nadat hy in sy openingswedstryd teen Engeland geseëvier het voor ’n nederlaag teen Wallis.

– Sportredaksie

Meer oor:  Koronavirus  |  Charles Ollivon  |  Toetsrugby  |  Covid-19  |  Sesnasies
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.