Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Jasper Wiese dié keer 4 weke geskors
Jasper Wiese verlaat die afgelope Saterdag die veld na die wedstryd teen Ulster. Foto: Gallo Images

Die Cheetahs se vuurvreter-agtsteman Jasper Wiese is vir vier weke geskors nadat hy ’n speler van Ulster by ’n losgemaal skoongemaak het.

Hy is Woensdag deur ’n tugkomitee van die Pro14-reeks skuldig bevind en sal nou eers weer op 16 April vir die Cheetahs in die Pro14-reeks verkiesbaar wees vir hul wedstryd teen die Glasgow Warriors in Skotland.

Wiese (24) is ná verlede Saterdag se wedstryd teen Ulster uitgewys vir die oortreding teen die seweflank Jordi Murphy in die 15de minuut van die twee spanne se kragmeting in die Kingspan-stadion in Belfast, Ierland in die Pro14-reeks.

Hy sal gevolglik Saterdag se laaste wedstryd van die span op hul toer van drie weke teen die Dragons misloop.

Dis Wiese se tweede skorsing vir ’n soortgelyke oortreding. Hy is in November verlede jaar vir drie weke geskors nadat hy die Cardiff Blues se losskakel Jason Tovey – ook in die 15de minuut – met die skouer geloop het.

Hy het ná dié skorsing sy terugkeer tot die span op 25 Januarie in die herontmoeting met die Southern Kings in Bloemfontein gemaak.

Wiese was Woensdag erg teleurgesteld oor sy skorsing en dat hy die span wéér in die steek gelaat het.

Ek voel regtig baie sleg. Ek laat nie net myself in die steek nie, maar ook die span.
Jasper Wiese

“Ek voel regtig baie sleg. Ek laat nie net myself in die steek nie, maar ook die span.

“Dit was nooit my voorneme om weer geskors te word nie, wat nog te sê van ’n oortreding begaan wat tot so ’n skorsing kan lei. Dit is nie lekker nie en ek vra die span nederig om verskoning,” laat weet Wiese uit Wallis.

“Die skorsing is vir ’n gevaarlike duikslag, oor ek ’n speler skoongemaak het. Ek het eers ná die wedstryd gehoor dat ek uitgewys gaan word en was regtig nie daarvan bewus dat ek oortree het nie.

“Ek gaan egter my skorsing aanvaar en hoewel dit sleg vir die span is, is dit ongelukkig deel van die spel,” sê hy.

Sy skorsing kan meebring dat die hoofafrigter, Hawies Fourie, Saterdag teen die Dragons weer vir Gerhard Olivier op agsteman kan oorweeg.

Behalwe vir Saterdag se stryd teen die Dragons, sal Wiese ook die Cheetahs se volgende drie tuiswedstryde, teen Leinster, Edinburgh en die Ospreys, misloop.

Meer oor:  Jasper Wiese  |  Ulster  |  Bloemfontein  |  Geskors  |  Cheetahs  |  Pro14-Reeks  |  Rugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.