Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sokker
Colombia pos gewese Bafana-breier

Twee weke nadat Colombia sy grootste nederlaag sedert 1977 in ’n kwalifiserende wedstryd vir die Wêreldbeker-toernooi gely het, het dié land se sokkervereniging die nasionale afrigter, Carlos Queiroz, die trekpas gegee.

Carlos Queiroz is die deur gewys as afrigter van Colombia se sokkerspan. Foto: Getty Images

Queiroz is ’n ou bekende in Suid-Afrika en was van 2000 tot 2002 Bafana Bafana se breier.

Dié Portugees was onder groot druk nadat Colombia tuis met 0-3 teen Uruguay verloor het in ’n kwalifiserende stryd vir die WB-toernooi in Katar in 2022. Die laaste strooi was egter toe sy span vier dae later met 6-1 in ’n wegwedstryd deur Ecuador afgeransel is.

Dié nederlae het meegebring dat Colombia nou sewende op die Suid-Amerikaanse puntelys lê. Slegs die vier toplande in dié vasteland se WB-kwalifiseringstoernooi bespreek outomaties hul plekke in Katar.

Die 67-jarige Queiroz het in Februarie 2019 die leisels in Colombia geneem. Voor dít was hy lank aan die stuur van Iran. Hy het ook al Portugal en Saoedi-Arabië se nasionale spanne afgerig, was die breier van die Spaanse klubreus Real Madrid en was ’n hulpafrigter by Manchester United.

Onder Queiroz se leiding het Suid-Afrika destyds vir die WB-toernooi in 2002 gekwalifiseer, maar hy is afgedank voor die toernooi in Suid-Korea en Japan en Jomo Sono het uiteindelik die span na die Verre-Ooste geneem. – Reuters, Sportredaksie

Meer oor:  Bafana Bafana  |  Sokker  |  Carlos Queiroz
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.