Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sokker
Doelwagter behaal doel van 96 m

Tom King, doelwagter van Newport County, het vandeesweek in ’n Engelse tweedeliga-wedstryd teen Cheltenham Town die Guinness-wêreldrekord verbeter vir die langste doel.

Tom King, doelwagter van Newport County, is ’n trotse nuwe wêreldrekordhouer. Foto: Getty Images

Die telling was 0-0 in die 12de minuut toe King die bal binne sy doelkampie plaas en dit in die rigting van Joshua Griffiths, sy regstreekse teenstander in die Cheltenham-doelhok, sool. Sy tydsberekening was so goed dat die bal ’n paar meter voor die doelgebied aan die ander kant van die veld wip, met ’n bietjie hulp van ’n sterk wind bo-oor ’n magtelose Griffiths trek, en in Cheltenham se doelhok beland.

Guinness het die rekord Donderdag bekragtig, met die doel van 96,01 m ’n verbetering op die poging van die voormalige Stoke City-doelwagter Asmir Begovic teen Southampton in 2013.

“Ek is absoluut verheug want dit is nie iets wat ek met opset beplan het nie,” sê King.

“Ek is seker dit sal nog lank bespreek word, so ek is trots en ek is seker my familie is ook trots.

“Hopelik staan die rekord vir lank sodat ek my kleinkinders eendag kan wys.”

King het egter geweier om die doel te vier uit respek vir sy Cheltenham-teenstander Griffiths, al was dit sy eerste suksesvolle poging as ’n beroepspeler.

“Ek het eerlikwaar nie eers geweet hoe om dit te vier nie en ek het ná die wedstryd vir die ander doelwagter om verskoning gevra. Dit is nie lekker om aan die ontvangkant van so iets te wees nie,” sê hy.

– Reuters

Meer oor:  Sokker
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.