Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sokker
Man United: ‘Niemand lag meer vir ons’
Phil Jones (links) sê Ole Gunnar Solskjaer verdien baie lof vir die ommekeer wat hy by dié klub teweeg gebring het sedert hy die leisels by José Mourinho oorgeneem het. Foto: AP

Manchester United is nie meer die uil onder die kraaie in die Engelse Premierliga nie en moet weer ernstig opgeneem word.

So het dié span se verdediger Phil Jones gesê nadat hul sege oor Fulham die afgelope naweek die Rooi Duiwels tot op die vierde plek op die Premierliga-puntelys laat opskuif het.

Volgens hom het hul waarnemende afrigter, Ole Gunnar Solskjaer, weer ’n positiewe ingesteldheid by die span gevestig sedert hy die leisels by José Mourinho oorgeneem het. Hoewel hulle nog nie die voltooide produk is nie, glo Jones hulle beweeg vinnig in regte rigting.

“Dit was moeilik toe ons aan die begin van die seisoen die onderwerp van bespotting was. Maar dis gewis nie meer die geval nie,” het Jones ná hul sege van 3-0 gesê.

“In ons laaste tien of 12 wedstryde het ons gewys dat ons ’n span is wat ernstig opgeneem behoort te word.”

Toe Solskjaer in Desember die span begin afrig het, was United nog 11 ligapunte agter die span in die vierde plek.

Onder hom het hulle egter agt uit nege ligawedstryde gewen (een was gelykop) en in alle kompetisies het hulle in tien uit 11 geseëvier.

Jones sê baie van dié onlangse sukses kan aan Solskjaer se afrigting toegeskryf word.

“Hy het ’n ingesteldheid gevestig waar ons positief bly en veg vir oorwinnings, al speel ons nie besonders goed op ’n gegewe dag nie. Ons speel ook met groter doelgerigtheid.”

Die groot vraag is natuurlik of Solskjaer se aanstelling permanent sal word.

Toe die gewese United-ster Wayne Rooney verlede week hieroor uitgevra is, het hy gesê Solskjaer het gewys dat hy verdien om die klub se heeltydse afrigter te word.

Hy sê indien Man United se base daarteen besluit om Solskjaer ’n permanente pos te gee, sal Mauricio Pochettino, Tottenham Hotspur se afrigter, ’n goeie alternatief wees.

* United pak die Franse klub Paris Saint-Germain Dinsdagaand op Old Trafford in die eerste stryd van hul ronde van 16 kragmeting in die Europese Kampioeneliga. – Reuters, Sportredaksie

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.