Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sokker
Safa vra PSL om Bafana Bafana te help

Die Suid-Afrikaanse Sokkervereniging (Safa) het die Premiersokkerliga (PSL) versoek om sy wedstrydbepalings te wysig, sodat die nasionale span meer tyd het om voor te berei vir hul belangrike Afrikabeker-kwalifiseringswedstryd in Maart teen Libië.

Stuart Baxter. Foto: Gallo Images

Bafana Bafana speel die naweek van 22 tot 24 Maart (die presiese datum moet nog bevestig word) teen Libië in ’n wedstryd waarin hy minstens moet gelykop speel om ’n plek te bespreek vir die toernooi wat vanjaar in Egipte gehou word.

Russell Paul, Safa se waarnemende uitvoerende hoof, het bevestig dat hulle die PSL gevra het om hul program te wysig en het aangedui dat die versoek aandag geniet.

“Ons is dankbaar dat die NSL (wat die PSL en Nasionale Eerste Liga inkorporeer), die raad en die klubs begrip het vir ons versoek.

“Hierdie stap is ’n aanduiding van hul onwrikbare steun aan Safa en Bafana Bafana op so ’n belangrike tydstip, wanneer die nasionale span vir hul belangrikste wedstryd nóg vanjaar voorberei.

Stuart Baxter, Bafana Bafana se breier, wat deel van die gesprekke was, het ook sy tevredenheid uitgespreek dat die twee organisasies (Safa en PSL) saamwerk tot voordeel van Bafana.

“Toe ek begin het as nasionale afrigter, het ek altyd die belangrikheid van samewerking tussen die belanghebbendes bepleit. Hierdie is ’n bewys dat ons wel kan doen wat die beste vir die nasie is.

“Met al hul beplanning reeds gedoen, weet ons dit was moeilik vir die PSL en die klubs om gehoor te gee aan ons versoek. Ons is hulle ewig dankbaar vir die gebaar en dit beteken vir ons baie.

“Nou kan ons fokus op die uitdaging wat voorlê, om te kwalifiseer vir die Afrikabeker-toernooi in Egipte.

“Ons is vol vertroue dat die span goed sal vaar met die nasie wat bankvas agter ons staan,” sê Baxter.

Meer oor:  Safa  |  Bafana Bafana  |  Sokker  |  Psl  |  Stuart Baxter
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.