Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sokker
Serena-hulle koop vroue-sokkerspan
Die tweejarige Alexis Olympia is saam met onder andere haar ma, Serena Williams, en pa, Alexis Ohanian, mede-eienaars van ’n nuwe vrouesokkerspan in Los Angeles. Foto: Getty Images

Die Amerikaanse tennis-ikoon Serena Williams is nou ook ’n sokkerbaas.

Williams is deel van ’n sterbelaaide groep eienaars van ’n nuwe vrouesokkerspan in Los Angeles.

Die Hollywood-aktrise Eva Longoria. Foto: Getty Images

Sy het kragte saamgesnoer met die Hollywood-sterre Natalie Portman, Jessica Chastain, Jennifer Garner en Eva Longoria om Angel City te vorm –’n tydelike naam vir dié span.

Williams se man, Alexis Ohanian, en hul twee jaar oue dogter, Alexis Olympia, is ook deel van die konsortium.

Angel City, die 11de franchise in die nasionale vroueliga, sal egter eers in die 2022-seisoen uitdraf.

Ohanian sê hy is trots om deel van ’n “wonderlike groep te wees om ’n beroepspan in Los Angeles te vestig”.

“Eerstens is ek ’n aanhanger van die spel, maar ook omdat ek meen dat die sport reuse-potensiaal het wat te lank misken is.

“As iemand wat graag saam met my dogter ’n sokkerbal rondskop, wil ek hê sy moet aan die voorpunt van dié revolusie wees.

“Ek belê persoonlik hierin namens my gesin, want dit is vir my en my vrou belangrik om meer geleenthede in vrouesport te skep. Ons wil saam ’n beter toekoms vir ons dogter skep,” sê Ohanian. – TeamTalk

Meer oor:  Tennis  |  Serena Williams  |  Eva Longoria  |  Vrouesport  |  Natalie Portman  |  Sokker
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.