Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tennis
Thiem bespreek sy plek in eindstryd

Dominic Thiem het sy plek in die eindstryd van die ATP-jaareindtoernooi in Londen teen Stefanos Tsitsipas bespreek deur die verdedigende kampioen, Alexander Zverev, in die halfeindronde te klop.

Dominic Thiem vier sy halfeindoorwinning oor Alexander Zverev. Foto: Reuters

Die Oostenryker Thiem het Zverev van Duitsland met 7-5, 6-3 in hul halfeindstryd Saterdagaand gewen. Hy kom Sondag teen die jong Griek Tsitsipas in die eindstryd te staan, nadat laasgenoemde die Switserse meester Roger Federer Saterdag met 6-3, 6-4 in die eerste halfeind verslaan het.

Min het Thiem en Zverev van mekaar geskei, totdat die Duitser ’n dubbele fout in die 12de pot op stelpunt van ’n taai eerste stel gemaak het. Hy het sy misnoeë te kenne gegee deur sy raket oor die baan te slinger.

Thiem, wat met ’n verkoue sukkel, het deurgebreek om met 4-2 voor te loop in die tweede stel nadat Zverev verskeie ongedwonge foute begaan het. Hierna het Thiem sy houvas op die wedstryd verstewig en die sege met ’n goeie hou teen die lyn af beklink. – Reuters

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.