Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Aktueel
50 Jaar gelede in Die Burger | 14 Januarie 1971

Haweplan vir Kaapstad: Die Nywerheids­ontwikkelingskorporasie het in beginsel besluit om ’n reuse-droogdok, wat skepe van tot 400 000 ton sal kan hanteer, in die Kaapse hawe­ te bou, het dr. G.S.J. Kuschke, voorsitter van die N.O.K., aangekondig. Die projek kan tot R20 miljoen kos.

Moenie so dig wees nie: Die Regering gaan wetgewing in die komende Parlementsitting indien om die digtheid van woonbuurte in stedelike gebiede te beheer, word verneem.

Daaglikse brood: Twee direkteure van Rieses Delicatessen in Hoofweg, Seepunt, het gister . . . in Kaapstad verskyn op vier aanklagte dat hulle brood op Sondae gebak, verkoop, verskaf en afgelewer het.

Droogte wurg: Die omgewing van Willowmore verkeer in die wurggreep van ’n droogte wat in hierdie eeu nog nie sy gelyke daar geken het nie. In sommige dele voer mens en dier al die afgelope ses jaar ’n stryd om te bestaan. Duisende diere is al dood en talle boere het al hul plase verlaat om elders ’n verdienste te soek.

Oliekrisis: Samesprekinge tussen die wêreld se vernaamste olieprodusente en die Westerse oliemaatskappye het op ’n dooiepunt uitgeloop. In ’n communiqué wat gister uitgereik is, word die moontlikheid genoem dat dit binne drie weke­ ’n afname van 85 persent in die wêreld se olievoorrade tot gevolg kan hê.

In die pad gesteek: Dertig munisipale Kleurlingarbeiders van Robertson wat oor ’n loongeskil ’n dag lank geweier het om te werk, is gister summier deur die stadsraad afgedank. Die raad het besluit dat hulle die “verkeerde metode” gebruik het om hoër lone te probeer kry.

Totsiens, tafeldruiwe: Die eerste tafeldruiwe van die seisoen is gister in die Tafelbaaise hawe na Brittanje verskeep. Bolandse wingerdboere verwag vanjaar rekord-oeste.

Persoonlik: Mnr. D.J. Kritzinger, hoof van die Laerskool Parow, sal vandag en môre van 9 vm. tot 12-uur op kantoor wees om ouers te spreek en nuwe leerlinge in te skryf.

Advertensie: OK: Simba skyfies – alle geure; 150 g pakkie – 19c.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.