Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Die Student
My pa praat Sesotho, my ma isiZulu. Ek is Afrikaans.
Kananelo Mokoena
Kananelo Mokoena

As ’n jong swart meisie was en is Afrikaans deel van my. Ek verkies dat dit my eerste taal is, want dit is die taal wat ek makliker vind om te praat as enige ander taal.

Ek het grootgeword in ’n omgewing waar Sesotho gepraat word, en ja, ons huistaal is Sesotho.

Ek bly in Phahameng, Bultfontein – ’n klein dorpie waar daar nie baie geleenthede is nie.

Ek het kleuterskool in Phahameng bygewoon totdat ek skool toe moes gaan. Dis waar alles begin het. In die Hoërskool Bultfontein.

Toe ek met skool begin het, kon ek glad nie Afrikaans praat nie.

Dit was vir my baie moeilik, maar my ouers het my gehelp met huiswerk en my gr. 1-onderwyser, juf. Tania Venter, was geduldig met ons wat nie Afrikaans kon verstaan nie.

Ek wil Riaan Cruywagen ontmoet

My pa is Sesotho-sprekend, en my ma praat IsiZulu. Ek was blootgestel aan verskillende kulture, tradisies en tale.

Maar ons het meestal Sesotho gepraat by die huis.

My ma het net haar moedertaal gepraat wanneer sy by haar familielede was. Sy het geweier om vir my IsiZulu te leer en gesê as ek wil isiZulu wil leer praat, moet ek boeke gaan lees in isiZulu by die biblioteek.

My ma het net haar moedertaal gepraat wanneer sy by haar familielede was. Sy het geweier om vir my IsiZulu te leer en gesê as ek wil isiZulu wil leer praat, moet ek boeke gaan lees in isiZulu by die biblioteek.

Ek het nooit weer die onderwerp met haar aangeroer nie. My ouma was die een wat my geleer het om basiese IsiZulu te kan praat.

Ek het eers vlot Afrikaans begin praat toe ek in gr. 3 was. Daar was Sesotho- en Engelse woorde wat ek in Afrikaans uitgespreek het, dit was vir my makliker, maar my ouers het my altyd gehelp om dit reg uitgespreek.

My eerste Bybel was in Afrikaans. Dit was toe ek in gr. 4 was. Ek het dit steeds.

Ek het altyd gesê ek wil graag ’n Afrikaanse nuusleser wees. Riaan Cruywagen was my gunstelingnuusleser. Die manier waarop hy die nuus gelees het, was vir my opwindend. Ek hoop ek kan hom eendag ontmoet!

"African time"

Wat ek geleer het terwyl ek nog in skool was, is dat Afrikaanssprekendes mense is wat altyd stiptelik is.

Dit is nou iets wat in my is, as iemand vir my sê iets begin op sekere tyd, verwag ek dat dit op daardie tyd begin, nie 30 minute later nie.

En ek word baie kwaad as iemand nie vir my sê hulle gaan laat wees nie.

LEES OOK: Die Afrikaner: Wie is ons vandag?

In ons kultuur daar is a term wat Afrikane gebruik – “African time”.

As iets om tienuur begin, weet net dat dit ’n uur later gaan begin. Dit is steeds iets wat ek nie verstaan nie.

Die kinders in my gemeenskap het ons altyd “snobs” of “coconuts” genoem, want ons was in ’n dorpskool.

Die kinders in my gemeenskap het ons altyd “snobs” of “coconuts” genoem, want ons was in ’n dorpskool.

Hulle het altyd gesê ons dink ons is beter as hulle. Soms wanneer ons gaan netbal of atletiek oefen, het ons skool toe en terug gestap, en as ons die kinders sien, sou hulle probeer om ons in Afrikaans te groet.

Ek het gedink dit was onnosel van hulle.

Pannekoek en kamp

Afrikaanssprekendes hou van braai, pannekoek, koeksisters en kerrie-en-rys. Pannekoek is my gunsteling.

As jy my gelukkig wil maak, koop vir my pannekoek.

Wat ek ook geleer het, is dat Afrikaanse mense baie hou van kamp en vakansie hou. Dit was vir my baie lekker om te gaan kamp en om in ’n tent in ’n slaapsak te slaap.

Wat ek ook geleer het, is dat Afrikaanse mense baie hou van kamp en vakansie hou. Dit was vir my baie lekker om te gaan kamp en om in ’n tent in ’n slaapsak te slaap.

En ja, my gunstelingsport is rugby. Ek hou glad nie van sokker nie, moet my nie vra hoekom nie. Ons noem ook ouer mense oom en tannie.

Afrikaans is nes ander tale

Afrikaans is ’n taal soos ander tale, dis net dat sommige mense wat dit praat dink hulle is meer spesiaal as ander.

Ek dink mense het te veel gelees in die voorval wat nie so lank gelede nie gebeur het by die skool in Noordwes.

LEES OOK: ‘Ek is swart en ek praat Afrikaans’

Daar was niks fout met hoe die swart kinders bymekaar geplaas was nie. Ek weet, ons swart kinders het altyd saam gesit pouses en ook wanneer daar ’n sportdag was. Dis hoe ons is, ons wil soms ons huistaal praat.

Waarvan ek nie hou nie, is rassistiese mense. Ek voel sulke mense wil net nie groei nie. Veral sommige van die wit mense.

Hulle sien swart mense as niks. Ek wens dit kan eendag verander, want almal van ons is deur God geskep en ons is gelyk. Dit is maar net dat ons kultuur verskil.

Ten slote, Afrikaans is deel van my. Ek kan nog Sesotho vlot praat en isiZulu en ander tale verstaan, maar dit bly my eerste taal.

  • Kananelo Mokoena studeer BA Kommunikasie aan Unisa. Sy bly in Phahameng buite die klein dorpie Bultfontein.
  • Wonder jy hoe studete se koppe werk? Lees nog meningstukke hier.
  • Menings is rubriekskrywers se eie en weerspieël nie noodwendig dié van Netwerk24 nie.
  • Volg ons op Instagram!
Meer oor:  Die Student  |  Studente  |  Mening
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.