Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Die Student
'n Gedig vir Suid-Afrika
Quentin Van Den Bergh
Quentin Van Den Bergh

’n Suid-Afrika oor twintig jaar . . . Hoe beskryf ’n mens ’n plek oor twintig jaar as die mense vir wie jy dit probeer beskryf nie eens glo dat daar ’n Suid-Afrika oor tien jaar gaan wees nie?

Die realiteit is ons het almal ’n opinie (wat niks mee fout is nie). Maar ons opinies is oor sake wat niks met ons te doen het nie – jou beste vriend se kinders wat nie maniere het nie; daardie vriendin wat weer terughardloop na haar eks toe . . . Ons almal het al ’n opinie gevorm oor hoe ons glo mense besig is om hul lewe te verwoes.

En die meeste van daardie mense vaar heel goed vandag. Die kinders is nog in die skool, doen dalk sport of sing selfs koor; jou vriendin is gelukkig. Maar ons het ’n probleem want sy’s nie gelukkig op die manier wat ek wil hê sy moet gelukkig wees nie.

Basies gaan jou opinie oor hierdie land dus ook niks verander nie. Jou optredes gaan.

Wees jou eie beste baksteen

Die maklikste manier om te verseker dat ’n gebou nie inmekaar stort nie, is om seker te maak dat elke baksteen wat gebruik word om die huis te bou, ’n sterk baksteen is. Selfs net een baksteen wat ’n fout het, kan mettertyd moeilikheid maak. Die ander sterk bakstene behoort hom vir ’n tyd te kan dra. Maar wat as daar meer as een foutiewe baksteen is?

Ons elkeen is ’n baksteen. Die effektiefste manier vir die gebou om te staan, is as elke baksteen sy eie baksteen is. Fokus om die beste, sterkste baksteen te wees wat jy kan.

Ons elkeen is ’n baksteen. Die effektiefste manier vir die gebou om te staan, is as elke baksteen sy eie baksteen is. Fokus om die beste, sterkste baksteen te wees wat jy kan.

Net dit. Dit maak nie saak wat ek glo en droom vir hierdie land moontlik is oor twintig jaar nie. Dis belangriker dat ons besef wat ons rol hierin is. Deur ons elkeen wat ons eie ding doen, so goed soos wat ons kan en nie die ander bakstene langs ons probeer vertrap nie, sal die land natuurlik oor twintig jaar op ’n goeie plek wees. Waar daardie plek ook al mag wees.

Die probleem is wanneer ons hol bakstene gebruik. ’n Hol baksteen lyk dieselfde as al die ander, maar seer het hom binne leeg gevreet. En dan kritiseer ons die bakstene langs ons wat het wat ons soek, want ons is leeg en dink as iemand anders minder het, ek meer gaan hê.

“Ons het albei minder!”

So, die uiteinde? Ek deel graag hierdie gedig:

Die wêreld is donker

al is die ligte aan,

waar is ons mense

waarheen kon ons goedheid gaan?

Die wêreld is donker

met al sy seer

en ons woorde, soos komete,

stort na die Aarde neer.

Leef ons op ’n ander Aarde

terwyl ons werklik hier nog is,

of hoe laat ons donker

moeiteloos en vry, onwetend

hier by ons dan rus?

Die donker in jou

is ’n foto verkeerd,

’n ou kêrel wat hard probeer

om van jou te vergeet.

Die donker in jou, is skoene

ses maande oud,

die donker in jou

is jou vriendin maak dalk ’n fout.

Maar die donker in ons

is Liefde verlaat,

’n mense met vermoë om oor sport

mekaar te haat.

’n Mense blind vir die donker

terwyl ons leeg

na die waarheid van Hoop wil wonder.

’n Mense leeg

want moord maak my alleen,

want verkragting maak dat ons

stil trane, sonder ophou ween.

Leeg,

want huwelike breek –

stil,

want gebreekte ouers

maak gebreekte kinders,

te skaam om ’n hand uit te steek.

’n Leë kot, met ’n klein graf

suig lewe uit ouers, aanhoudend

soos ’n hond wat deurnag blaf.

Selfmoord-vriende los my agter

selfmoord-familie los my alleen

terwyl donker ons almal jag

en gekamoefleer sit en vir ons lag.

So hou aan oor die donker in jou teem

want jy’s blind –

dis die donker rondom jou

wat jou verdrink in trane soos reën.

’n Oplossing,

dié is daar wel:

Jy’s reeds dood in jouself,

gee jou dan vir Iemand

wat jou Lief het self.

’n Liefde waar Iemand Homself wou gee

sodat Sy Dood,

die dood in jou nou uit kan vee.

Laat die diepte van die seer in jou

uitroep na die Diepte

van die Liefde en vernuwing in Hom –

gee dit kans

en kyk hoe jou lewe gaan blom.

’n Oplossing is daar wel:

donker het jou oë reeds toe –

begin net praat

want dis hoe jy vir Jesus bel.

  • Quentin van den Bergh (22) studeer aan die Noordwes-Universiteit. Hy het in Pretoria groot geword.
  • Menings is rubriekskrywers se eie en weerspieël nie noodwendig dié van Netwerk24 nie.
  • Hierdie meningstuk is deel van Die Student se rubriek-kompetisie waar ons vir studente gevra het om te skryf oor die Suid-Afrika wat hulle oor 20 jaar wil sien en hoe die jeug kan help om by dié droom uit te kom.
  • Die kompetisie is in samewerking met die Universiteit Stellenbosch aangebied ter viering van Jeugdag.
  • Wonder jy waaroor studente praat? Lees meer meningstukke hier.
  • Wil jy Die Student se WhatsApp nuusbrief ontvang? Klik hier om in te teken.
  • Volg Die Student op Instagram!

IS JY 'N STUDENT? KLIK HIER OM OP NETWERK24 IN TE TEKEN!

Studente aanbod

Meer oor:  Menings  |  Die Student  |  Diestudentjeugdag  |  Studente
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.