Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Menings
Gebed nie ’n transaksie

Gebed is nie onderhandelinge met God nie. Gebed gaan immers nie oor myself nie – nie volgens “Die Onse Vader” nie. Gebed gaan heel eerste oor God. Dit fokus op Hom, nie op my en al my behoeftes en versoeke nie. Gebed skuif die soeklig gedurig weg van myself. Dit laat my wegkyk. Dit laat my opkyk. Dit laat my God beter raaksien in geloof.

Beslis mag ek ook bid vir my porsie daaglikse brood. Ek moet! Maar dan gaan dit oor daaglikse brood, nie oor selfsugtige versoeke en behoeftes nie. Ek mag klop aan die hemelse deur. Ek mag vra, smeek en pleit. Dít doen ek egter sonder om die gesprek met God te probeer dikteer. In elk geval het ek niks hier in my hande om mee te onderhandel as ek voor die Here staan nie.

In verwondering en in nederigheid kyk ek op na Hom. Vir elke stukkie genadebrood is ek eindeloos dankbaar. Aan God se voete kom ek regtig tot rus.

Meer oor:  Stephan Joubert  |  Menings  |  Goeie Nuus  |  Rubriek  |  Godsdiens
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.