Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Menings
Lood se praatjies: Vervolg ook die ANC

Vervolg ook die ANC

Lood het ’n spesmaas hier kom nog heelwat onthullings oor diefstal van miljoene rande deur lede van die die All Corruptive Comrades (ANC). Vuisvoos Suid-Afrikaners word uit twee fronte getref. Eers is dit onthullings uit die onlangse verlede – soos nou weer oor die R54 miljoen sakgeldjie wat die spioene na bewering in maandelikse paaiemente vir Jacob Zuma oorbetaal het. En intussen blyk dit die Covid-19-diefstal woed voort – Panyaza Lesufi gooi wal oor meer as R400 miljoen in sy departement. Nou wil ’n vriend by Lood weet, is dit nie tyd dat die ANC as misdaadorganisasie ondersoek en vervolg word nie? Inderdaad, CR het mos self gesê hy is beskuldigde nommer een.

SA nou betraande land

Wie onthou nog F.A. Venter se reeks boeke Geknelde land, Offerland, Gelofteland en Bedoelde land? Lood glo ons kan nog die wa deur die drif trek; tog dryf die byna­ daaglikse onthullings van nog diefstal deur die All Corruptive Comrades (ANC) ’n mens om nog ’n titel voor te stel. Wat van “Betraande land”? Ligpunt is, die kamerade is besig om hulself te vernietig.

Persone van die week

RAAKVATTER: Sydney Mufamadi. Hy deel dit met al die spioene en ander wat (ongelukkig nou eers) onthul hoe JZ en sy ANC die land se intelligensiedienste glo b

NAT VADOEK: Ayanda Dlodlo, minister van staatsveiligheid, vir haar poging om te keer dat Loyiso Jafta, waarnemende direkteur-generaal van staatsveiligheid, voor die Zondo-kommissie getuig.

BITTERBEK: Arthur Fraser, voormalige spioenbaas in die JZ-staatska­pingsbewind, is erg omgekrap. Hy en sy gesin is nou glo ’n teiken ná getuienis voor die kommissie. Lood het wel simpatie met sy gesin.

Toets of entstof effektief is

Lood begin werklik bekommerd raak oor die uitwerking van die pandemie, die inperking en regeringskorrupsie op die psige van ons volk.

Kyk nou byvoorbeeld die toets wat Joan van Ellewee van Vanderbijlpark voorstel om te bepaal of die entstowwe wel doeltreffend is: “As die ANC-kamerade van die entstof steel, weet ons dis die moeite werd. Geen stelery, geen goeie entstof.”

Joan, jy kort ’n sterk koffietjie. En as jy boonop nog ietsie sterkers in voorraad het, gooi by. Lood gee die beker. Stuur bydraes na lood@beeld.com.


Meer oor:  Lood Se Praatjies
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.