Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Menings
Ons wil die SAL nie meer hê nie. Vat hom weg.

Die Suid-Afrikaanse Lugdiens (SAL) se verlies het net te groot geword vir die nasionale huishouding se beursie. Ons wil die lugdiens nie meer hê nie, want ons het dit gewoon nie meer nodig nie.

Barnard Beukman

Tito Mboweni, minister van finansies, is lank gelede al deur die ANC-koukus gerepudieer toe hy in New York gevra het die SAL moet sluit. Ironies is dit een van sy kabinetskollegas wat van hom verskil oor die privatisering of sluit van staatsinstellings, Pravin Gordhan, wat in ’n klaarblyklike meningsverandering sopas self in New York sy beskerming oor die lugdiens as onaanraakbaar opgehef het. Hy het duidelik sy aptyt vir blote bestuursingryping verloor.

Die storie van menige ontleder dat ons “ter wille van werkgeleenthede” die asemhalingsmasjien moet aan hou, is ongeldig. Alle instellings, hetsy staat- of private sektor, is onderworpe aan markkragte wat werkgeleenthede betref. Waarom ’n uitsondering van staatsinstellings maak?

Op ’n vergadering met redakteurs en ander senior joernaliste het ’n ANC-hooggeplaaste einde verlede jaar genoem dat tot 30% van die SAL se personeel op een slag met “siekteverlof” is. En dat die tegniese diensstasies vir die vliegtuie leeg gestroop is van toerusting – sommige dienste moet byvoorbeeld nou elders gedoen word. (En inderdaad kon verskeie vliegtuie weens tegniese probleme onlangs nie opstyg nie.)

Hopelik sal die huidige SAL-staking die lugdiens se suurstof vinniger afsnyHopelik sal die huidige SAL-staking die lugdiens se suurstof vinniger afsny

Die SAL se personeel is, soos by ander staatsinstellings, gelaai met ontvangers van politieke gunste wat min tot die kernfunksie bydra. Daar sou gerus mildelik besnoei kon word, maar ons is verby daardie punt.

Diversiteit sal net weer op koers kom in ’n suksesvolle omgewing wat behoorlik bestuur word.

Of sluit die plek eenvoudig en laat markkragte van ander suksesvolle lugdienste die land se vlugroetes oorneem. Of kry internasionale vennote wat oorblywende bates en aspekte daarvan op meriete en volgens markbehoeftes bestuur – sonder enige politieke en ja, selfs diversiteitsvoorskrifte. Kundigheid en klaar.

Diversiteit sal net weer op koers kom in ’n suksesvolle omgewing wat behoorlik bestuur word. (Mees geykte voorbeeld van die laaste paar weke: die Bok-span.) Die C-span-reddingspogings die laaste paar jaar by staatsinstellings het misluk.

Die momentum wat uit ’n oper en vryer lugroetemark kan ontstaan, mag dalk selfs meer werk en sekondêre dienskontrakte skep – vir die regte kundigheid, nie suurstofdiewe nie. En dit is wat die vakbondlede weet.

Hopelik sal die huidige SAL-staking die lugdiens se suurstof vinniger afsny en ook die vakbonde se invloed verder verswak. Want die nodige “nuwe daeraad” vir die lugdiens moet nou maar die lang, pynlike roete volg. Dit eerder as vinnige en moedige leierskap deur die ANC – die politieke wil wat volgens Moody’s ontbreek. Inderdaad.

Meer oor:  Anc  |  Suid-Afrikaanse Lugdiens (Sal)  |  Tito Mboweni  |  New York  |  Menings  |  Standpunt
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.