Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
My Stem
ANC-regering sit ons ore aan

Die ANC-regering probeer Suid-Afrikaners ore aansit met heftige openbare veroordelings en die aanstelling van ’n ministeriële komitee om korrupsie, met klem op Covid-19, te ondersoek.

Soos kommissies in die verlede is dit bloot ’n weerligafleier om die sterk openbare reaksie teen onlangse diefstal en korrupsie betreffende Covid-19-geld van al die skandale weg te lei. Wees verseker dat daar slegs ’n paar klein vissies op die ANC se altaar geoffer gaan word om publieke woede te temper.

Die prosesse om die ondersoeke te doen gaan lank neem en die groot visse gaan uit die net ontsnap.

Wanneer het daar al ooit ’n vermeende hooggeplaaste kader weens die mees flagrante oortredings tereggestaan? Die ANC beskerm hulle polities. 15 jaar gelede is Schabir Shaik weens sy korrupte verhouding met Jacob Zuma tronk toe gestuur, terwyl laasgenoemde vrygespreek is en tot vandag nog nie rekenskap gegee het vir sy beweerde wandade nie.

Is daar iemand in die regering wie se hande skoon is? Moontlik, maar onwaarskynlik, met inagneming van die talle openbarings van korrupsie, bedrog en diefstal wat in eentonige reëlmaat plaasgevind het en steeds plaasvind.

Getuienis ingewin deur ondersoekende joernaliste dui al hoe meer op die bestaan van mafia-agtige misdaadnetwerke en om dit onder beheer te kry sal meer verg as ’n kommissie van ondersoek hier en daar.

Meer oor:  Theo Stehle  |  Knysna  |  Mystem  |  Brief
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.