Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
My Stem
Dan mag ’n man seker ook nie koekbak nie?

Vaderland (of moet ek sê moederland), stik ek aan my tee toe ek Mekriel de Beer (18.02) se kommentaar op die Stihl-advertensie lees. Ek hoop hy maak net ’n grappie oor vroue wat gras sny.

In ons huishouding laat my vrou niemand anders toe om die gras te sny nie, al pluk ek die verlengkoord by die muurprop uit. En, ja, Mekriel, terwyl ek deur die kombuisvenster kyk hoe my vrou die brulmasjien buite heen en weer stoot, laat gly ek ’n heerlike sjokoladekoek vir die naweek by die warm oond in. Jammer, man (vrou), koekbak vir ’n man is dan nou ook seker nie na jou smaak nie?

Later, terwyl ons laatmiddag op die perfek gesnyde grasperk sit en rus met ’n koppie tee en snytjie koek, knipoog my vrou en sê: “My man, jy het die lekkerste koek.” Jy sien, Mekriel, by my huis leef ons in verskillende rolle en steur ons ons min aan konvensies. Ons verrig maar die takies wat elkeen die beste vind en meeste geniet.

Indien ons die reëls moes volg, bly die grasperk hier by ons ’n oerwoud en was daar nooit, ooit koek in die huis nie. Dus, stil met jou.

  • Laat hoor van jou: Stuur jou brief na dbmening@dieburger.com. Briewe moet vergesel wees van die skrywer se naam, adres en telefoonnommer. Briewe korter as 350 woorde sal voorkeur kry. Die Burger behou hom die reg voor om briewe te redigeer en verkort. Publikasie van briewe word nie gewaarborg nie en berus by die brieweredakteur. Geen kommunikasie sal hieroor gevoer word nie.
Meer oor:  Lesersbrief  |  Gras  |  Koekbak
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.