Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
My Stem
Geen rede om nie uit te reik na ander nie

Ek verwys na Elmarie Dercksen se rubriek “ ’n Regtig verlore generasie in SA?” (07.02). Ek weet nie of sy iets by die lesers probeer tuisbring nie: Dat sy vir ’n M.Th by Stellenbosch ingeskryf het en/of op ringsittings sit, sodat haar opinie as gesaghebbend beskou kan word? Hoekom wil ons dié besonderhede weet?

Wat vir my egter uitstaan, is dat sy ’n passie het. Dit beteken dat ’n vuur in haar hart brand, ’n begeerte/drang/verlange opwel na haar swart en bruin broers en susters wat ook die Here Jesus aanbid. Maar volgens haar het haar land vir haar “ . . . geen meganismes gelaat om hulle op te soek nie” (?) en “die nalatenskap van apartheid verseker dat ons steeds apart woon en grootliks apart leef, al dien ons dieselfde Here”.

Wat ek nie kan begryp nie, is hoe die land vir haar geen meganisme (?) gelaat het om hulle op te soek nie? Wat moes die land gedoen het? Watter beter meganisme is daar vir iemand as om hulle op te soek en om na hulle te gaan? “Gaan dan heen . . .” sê Jesus. Hoekom moet ons land dan vir ons meganismes gee om na ander uit te reik? Dat ons steeds apart woon en apart leef, is vir niemand ’n verskoning om na ander groepe uit te reik nie. Ons doen dit daagliks – in huise, in skole, op universiteite, in werksplekke, oral. Baie goeie verhoudings word so opgebou. Geen rede bestaan om ’n verlore generasie te wees nie, want daar bestaan ’n legio geleenthede om ’n verskil in ander se lewens te maak.

Ek het vroeg in my lewe geleer dat die lewe (my land/mense) my niks skuld nie, maar dat ek die lewe álles skuld.

Meer oor:  Lesersbrief
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.