Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
My Stem
Kwesbares se geld nie hiervoor

Theo Stehle, Knysna, skryf: Terwyl dit verblydende nuus is dat die SAL en SA Express nie meer reddingsboeie van die regering gaan kry nie en dat dit waarskynlik die laaste spyker in hul doodskiste gaan wees, pla daar tog dinge.

Pravin Gordhan

Die regering, meer onlangs by monde van min. Pravin Gordhan en aangevuur deur die ANC se ander twee alliansievennote, het teen alle gesonde en kundige advies van ekonome in hardnekkig geweier om te luister en reddingsboei op reddingsboei van kosbare staatsgeld op hierdie sukkelende staatsbeheerde ondernemings uitgemors.

Hierdie geld kon nou groot verligting gebring het aan die haglike ekonomiese noodtoestand wat met die viruspandemie gepaard gaan.

Die laaste reddingsboei van R3,5 miljard van die Ontwikkelingsbank van Suider-Afrika was baie omstrede betreffende die bank se mandaat.

Etlike miljarde van staatsdienspen­sioengeld wat deur die Openbare Beleggingskorporasie in die bank belê is, het waarskynlik deel van die lening uitgemaak.

Dit sal moontlik afgeskryf moet word – die soveelste verlies vir die rekening van die driepartyalliansie en hul rampspoedige ekonomiese beleid.

Daar kan net gehoop word dat die viruskrisis die nodige nugterheid in ekonomiese beleid tot gevolg sal hê.

Staatsdienspensioentrekkers vorm deel van die kwesbaarste seksie van die samelewing, as daar in gedagte gehou word dat die meerderheid afgetrede staatsdienswerkers se maandelikse pensioengeld R10 000 en minder beloop. Daar mag nie met hul pensioenfondsgeld gedobbel word nie.

Meer oor:  Theo Stehle  |  Brief
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.