Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
My Stem
Wat sê jy?
Jan van Riebeeck

Ek stem saam met Johanna van Eeden. Baie studente dink dat as hulle ’n nuttelose graad het, hulle werk gaan kry. Universiteite, banke en die staat wat studente borg of beurse toeken vir verdere studie, moet eerder studente laat toets en help om die regte studierigting te volg. Dit moenie net werkskeppend wees nie, maar ook iets beteken vir die land voordat geldelike hulp toegeken word. – Elbie, Vereeniging

Die meeste ja-stemmers het besef dat dinge op sekere gebiede ’n bietjie agteruit sou gaan. Maar waaragtig . . . – J.H.J., Middelburg

En daar gaan (Jan) Van Riebeeck-dag op 6 April stil en ongesiens verby. Dis mos ’n wit geskiedkundige dag. Of hoe?– Nico Botha, Kokanje

Besorgde leser wat vra skole moet optree oor leerlinge wat papiere in woonbuurte gooi. Nee, skole kan nie alles doen nie. Ons moet iets vir die ouers ook los om te doen. – H.R.

Ek koop al biltong en bier vir die konstitusionele hof se uitspraak oor JZ. – Evert, Boksburg

Dankie vir die mooi voorblad van kosmosblomme. Daar is ’n gesegde: “Want liefde kosmos niks.” – Wilma, Middelburg

Kosmos

André Roux se storie oor 31 verstekelinge op ’n gratis avontuurrit is die beste storie in maande. – Muskin, Pretoria

Wie by RSG het besluit dat die landbouprogram nou van 05:30 uitgesaai moet word? Ek het geen belang by speenkalfpryse en nuus oor wol en wat nog nie. ’n Mens het uitgesien na elke oggend se uur van musiek en gesels. Nou moet die radio af bly tot 06:00, danksy ’n belaglike besluit. – J.J., Mosselbaai

Genade, net toe ek dink die lisensieafdeling kan nie slegter nie, word ek weer verbaas. Uit moedeloosheid gaan ek na die Waltloo-toetssentrum om te hoor hoekom ek al weke lank sukkel om ’n afspraak te kry. Daar word aan my gesê die persoon wat op die aanlyn stelsel werk, is met verlof en sodoende staan alles stil. Wat is volgende?– Chris Z.

Ek sien die Maties het teen die Ikeys in ’n rugbywedstryd verloor. Dit het seker gebeur omdat die Maties nie toegelaat is om Afrikaans op die veld te praat nie. Die Maties kon nie die Engelse wedstrydplan verstaan nie. – Gert Marais

Hendrik, hoekom kyk jy nog SA krieket? Solank die sirkus in die raadsale voortduur, sal niks verbeter nie. – Barend, Pretoria

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.