Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
My Stem
Wees billik met skuif van beelde

Suid-Afrika staan ekonomies nou amper op sy knieë. Covid-19 het ’n aandeel daarin gehad, maar so ook epidemiese onbevoegdheid, wanbestuur, korrupsie en wanbesteding.

En wat doen die ANC-regering? Hy wil temaparke bou vir “alle standbeelde, simbole en monumente uit die apartheid- en koloniale era”. Bid jou aan. Wat gaan dit nie kos nie?

Gaan dit elke standbeeld, simbool of monument van of vir enigiemand­ of enigiets uit daardie era geld? En wie gaan bv. die talle klein en eenvoudige gedenktekentjies vir die simboliese ossewatrek van 1938 orals in die land verskuif? Waarheen? Hoe?

Wat van die Uniegebou, parlementsgebou en al die presiden­siële ampswonings? Is hulle dan nie juis simbole van die koloniale en apartheidsera nie? Die Uniegebou is by uitstek die simbool van uniewording ten tyde van koloniale heerskappy en die parlement as instelling self is mos ’n koloniale erfenis.

Billikheidshalwe moet die reusestandbeeld voor die Pretoriase stadsaal van hoofman Tshwane, volgens sommige in elk geval ’n mitologiese figuur, dan ook temapark toe en moet die sterk simbool van die naam van die Koning Shaka-lughawe ook verander word. Dié twee dateer immers ook uit die koloniale era.

Dan is daar mos geen diskriminasie nie, mnr. Mthethwa en kie, of hoe?

Meer oor:  Standbeelde  |  My Stem
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.