Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sielsgoed
God betaal baie duur om weg te kyk

Jy ken dit. Ek praat van daardie kyk! Of soos wat die Engelse dit noem: “The look!” Dit is wanneer iemand jou middeldeurkyk. Of jou stukkend kyk. Of jou vuil kyk. Of jou aanstaar. Of jou op-en-af kyk.

Die groot Franse filosoof Jean-Paul Sartre het gesê sulke kyke bring ’n diep verleentheid, “ ’n skaamtegevoel,” oor jou.

Jy weet sulke kyke beoordeel en weeg jou. Jy voel of jy wil weghardloop.

Daarom is ek my pa altyd dankbaar wat vir my ’n groot waarheid geleer het doer in my kinderdae. Hy het aan my gesê ons gaan nie kerk toe om mense uit te kyk nie, maar sodat God ons kan uitkyk.

Dit is Spreuke se soort wys-heid hierdie.

In dieselfde asem is ek die Here ewig dankbaar dat Hy sy manier van kyk na ons as sy kinders verander het.

Ja, daar was ’n tyd toe Hy al wat ’n sonde is, raakgesien het. Dit het sy hart gebreek. So vertel Genesis 6:5.

Maar God het intussen baie duur betaal om weg te kyk. Hy het alles opgeoffer om vars te sien. Ek verwys na Jesus se kruis. Dit het God se visie verander. Hy kyk nou permanent daardeur na sy mense. Daarom is God se kyk sag.

Ons benodig sy soort kyk. Genadiglik het Jesus hemelse oogsalf beskikbaar vir ons (Openbaring 3:20).

Dit is verniet.

Gebruik dit elke dag, dan wen “die kyk” nie in jou lewe nie.

Meer oor:  Stephan Joubert  |  Goeie Nuus
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.