Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sielsgoed
God vertaal flou woorde

Jona 3 vertel die verhaal van Jona se optrede in Nineve. Maar wat ’n hopelose boodskap preek hy nie – dalk die mees hartelose een nóg in die Bybel. “Nog net 40 dae, dan word Nineve verwoes.”

Net dít. Geen genade nie. Geen woord oor God wat omgee vir almal in die stad nie. Niks word gerep oor die feit dat God soveel omgee dat Hy nie hul vernietiging begeer nie, maar hul redding. Genadewoorde pas Jona nie. Presies dít sê hy vir die Here in hoofstuk 4.

Jona wil vuur sien – oordeelsvuur op sondaars! Tog vertaal die Here Jona se dodelike enkelreëlpreek op die regte manier vir Nineve se inwoners. Hulle kom tot inkeer. Hulle gryp God se genadehand vas, wat ’n einde aan alle oordeelsplanne bring.

Genadiglik is God nie uitgelewer aan die liefdelose woorde, gedrag of preke van sy kinders nie. Hy vertaal en omvorm dit tot sy eer. Kom ons maak dit makliker vir die Here. Kom ons praat en leef van die begin af reg – met genade en liefde. 

Meer oor:  Stephan Joubert  |  God  |  Goeie Nuus
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.