Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Boeke
1ste vrou van Oman met Man Booker-prys bekroon

Jokha al-Harthi het Dinsdag die eerste vroueskrywer van Oman geword om die Man Booker-prys vir letterkunde te wen.

Jokha Al-Harthi het Dinsdag die eerste vroueskrywer van Oman geword om die Man Booker-prys vir letterkunde te wen.

Sy het dit gewen vir haar roman Celestial Bodies, vertaal deur Marilyn Booth.

Al-Harthi is ook die eerste wenner wat in Arabies skryf.

Sy en Booth deel die prysgeld van £50 000 (sowat R910 000).

Celestial Bodies speel af in die Omaanse dorp Al-Awafi en volg drie susters se onderskeie verhale – Mayya wat in ’n ryk familie introu nadat haar hart gebreek is; Asma, wat uit pligsbesef in die huwelik tree; en Khawla, wat wag op ’n man wat na Kanada geëmigreer het.

Volgens Bettany Hughes, hoof van die beoordelaarspaneel en historikus, stel Al-Harthi se boek die leser in staat om hierdie gemeenskap te leer ken.

“Deur die verskillende tentakels van mense se lewe, liefdes en verliese – al die vlakke, van die armste van die slawegesinne wat daar werk tot die wat goed geld maak in die hoofstad, Maskat.

“Ons het gevind dat ons hier toegang verkry tot idees, gedagtes en ervarings wat jy nie normaalweg in Engels teëkom nie. Dit vermy elke stereotipe in ’n ontleding van geslag, ras, maatskaplike onderskeiding en slawerny. Die teks lewer deurgaans verrassings op. Ons het hierop verlief geraak.”

Celestial Bodies is gekies uit ’n lys waarop byna net die name van vroueskrywers verskyn het.

Al-Harthi het met skrywers soos ’n vorige wenner Olga Tokarczuk, die Franse skrywer Annie Ernaux en Juan Gabriel Vásquez van Columbië meegeding.

Volgens Hughes geniet die paneel die “subtiele kunstenaarskap” in Al-Harthi se roman.

“Dit is minder flambojant as van die ander boeke. Daar is ’n soort digterlike slimmigheid daaraan. Aan die begin voel dit soos ’n gesinsdrama in ’n fassinerende wêreld, maar danksy al die lae van filosofie, sielkunde en poësie, boei dié prosa jou deur die verhouding tussen die karakters. Dit het ons aangemoedig om op ’n ander manier te lees.”

Die roman is deur Sandstone Press uitgereik en is sy eerste Arabiese letterkunde.

Die ander paneellede is Maureen Freely, vertaler en voorsitter van English PEN, Angie Hobbs, filosoof, Elnathan John, romanskrywer en satirikus, en Pankaj Mishra, essayis en skrywer.

Meer oor:  Boeke  |  Skrywers  |  Oman
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.