Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Boeke
3 Afrikaanse boeke danksy fonds in ander tale uitgereik

Drie Afrikaanse boeke word vanjaar danksy PEN Afrikaans se Vertaalfonds in ander tale uitgereik.

Chinatown, Ronelda Kamfer se vierde digbundel, en Ingrid Winterbach se roman Die troebel tyd word in Nederlands vertaal, terwyl Dalene Matthee se roman Fiela se kind in Arabies die lig sal sien.

‘Die troebel tyd’ deur Ingrid Winterbach.
‘Fiela se kind’ deur Dalene Matthee.
‘Chinatown’ deur Ronelda Kamfer.

PEN Afrikaans se Vertaalfonds word deur die Trust vir Afrikaanse Onderwys gefinansier.

“Die grootste doelstelling is om Afrikaanse letterkunde in die buiteland te bevorder,” sê Catrina Wessels, bestuurder van PEN Afrikaans.

“Daar is ’n reglement wat die oorwegings uitstippel. Is dit ’n verdienstelike boek? Is dit bekroon of is dit ’n sentrale boek in die Afrikaanse letterkunde? Dit hang ook af wie die vertaler en uitgewer is. Daar is ook voorkeurtale (Engels, Nederlands, Frans, Duits, Italiaans, Spaans en Skandinawiese tale). Dalene Matthee (se boek) debuteer in Arabies.

"Vertalings verg baie belegging, want al is dit ‘n gevestigde en gewilde skrywer in Afrikaans, waarborg dit nie sukses in ‘n ander mark nie. Dis waar die Vertaalfonds ‘n belangrike rol speel. ’n Vertaalsubsidie maak die publikasiebesluit vir die buitelandse uitgewer makliker – en gee dikwels die deurslag."

PEN Afrikaans oorweeg elke ses maande nuwe boeke vir vertalings.

Aansoeke sluit jaarliks op 15 Mei en 15 November.

“Ons word egter nie in elke ronde met aansoeke oorval nie. Daar is gewoonlik twee tot vyf suksesvolle aansoeke. Daar was een jaar geen suksesvolle aansoeke nie.”

Die Nederlandse vertaling van Chinatown word deur Uitgeverij Podium uitgereik, die Arabiese vertaling van Fiela se kind deur Mahrousa Publishing en die Nederlandse vertaling van Die troebel tyd deur Zirimiri Press.

Vertalings van Afrikaanse boeke
PEN Afrikaanse se Vertaalfonds word grotendeels deur die Trust vir Afrikaanse Onderwys gefinansier.

“Daar is soveel boeke daarbuite, so dit moet werklik iets besonders wees om dit te vertaal, want vertaling is duur,” sê Wessels.

“Dit wissel uiteraard van boek tot boek. Die genre, taal, ervaring en die profiel van die vertaler speel ’n rol.

In Nederland is €0,066 per woord al as standaard beskou, maar dit is ook onderworpe aan onderhandeling tussen ’n uitgewer en vertaler en die spesifieke eise van die boek. Poësie word anders aangepak.”

Sy beklemtoon dat dit maar baie duur is om ’n boek te vertaal.

Dalene Matthee
Dalene Matthee
WF Ingrid Winterbach
Ingrid Winterbach
110711***Foto24***Ronelda Kamfer praat in haar oue
Ronelda Kamfer Foto: Yunus Mohamed.

“Veral van die langer werke wat die Vertaalfonds al gefinansier het, soos 1795 (Dan Sleigh) en Fees van die ongenooides (PG du Plessis), sou waarskynlik nie sonder hierdie finansiering vertaal kon word nie.”

Chinatown word deur die bekende Nederlandse digter Alfred Schaffer vertaal, wat onlangs die P.C. Hooft-prys vir poësie in Nederland gekry het, en Die troebel tyd deur Robert Dorsman.

Ema Mansour vertaal Fiela se kind in Arabies.

Chinatown, Fiela se kind en Die troebel tyd word na verwagting onderskeidelik in April, Mei en Oktober uitgereik.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.