Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Boeke
Dis g’n gewone storie dié

Doodslied vir Duitsland

Philip Kerr

JONATHAN BALL, R250

Die Bernie Günther wat ons in Doodslied vir Duitsland teëkom, is nie meer heeltemal dieselfde man as die pittige, hardekop privaat speurder wat in die vooroorlogse Berlyn hard probeer het om ’n mate van geregtigheid onder die Nazi­regime te laat geskied nie.

Günther is ouer, maerder, gryser en getroud. Hy was in die Tweede Wêreldoorlog in die Nazi-Duitse Beskermingskorps (SS), hy het aan die Russiese front geveg sonder om mee te doen aan die massamoorde op burgerlikes en het ’n Russiese krygs­gevangenekamp oorleef.

Nou moet sy speurvernuf hom weer aan die lewe hou in ’n naoorlogse wêreld van honger, onsekerheid, puin, verwoesting en ’n voortdurende gewroeg oor aandadigheid aan die onmenslike dade van die Nazi’s.

Philip Kerr – én sy vertaler, Zirk van den Berg – skets ’n baie realistiese prentjie van ’n Berlyn waarin mense probeer oorleef te midde van honger, koue en ander ontberings. Vroue, onder andere Kirsten met wie Günther getroud is, doen byvoorbeeld seksuele gunsies vir Amerikaanse soldate in ruil vir sjokolade en sigarette. Gün­ther word ook met steenkool betaal vir sy eerste saak.

Daarna kry hy darem ’n veel aanlokliker aanbieding om na Wene te gaan en die onskuld te bewys van ’n kliënt wat weens moord aangehou word.

Daarna kry hy darem ’n veel aanlokliker aanbieding om na Wene te gaan en die onskuld te bewys van ’n kliënt wat weens moord aangehou word. In dié stad – ewe raak as Berlyn uitgebeeld met sommige beskrywings wat herinner aan Graham Greene se roman The Third Man en die fliek daarvan – wag ander probleme. Niks is regtig soos wat dit lyk nie in ’n stad vol spioene waar mense dikwels wonder of die dooies regtig dood is.

Günther raak deurmekaar met bedenklike spioene en ’n geheime organisasie bestaande uit Nazi-offisiere. Sy pad kruis ook met dié van Arthur Nebe, Nazi-polisiehoof, en Heinrich Müller, oudhoof van die Gestapo wie se werklike lot historici nou nog laat kopkrap.

Sulke ongure karakters voorspel niks goeds nie, maar Günther wíl Müller ondanks die potensiële gevaar aan die kaak stel om sy eie skuld oor wat onder die Nazi’s gebeur het te “help opklaar”.

Dié skuldgevoel is ’n deurlopende tema; lesers word reeds daarop voorberei met die uittreksel uit James Fenton se gedig “A German Requiem” wat as motto gebruik word en jou lank sal bybly.

Dié tema en ’n greep uit ’n stuk geskiedenis waaroor baie nog wonder, gee ekstra byt aan ’n speurroman wat beslis die lees werd is – selfs meer as een keer.

Gert van der Westhuizen is ’n vryskutresensent van Johannesburg en Netwerk24 se Stemme-redakteur.

Meer oor:  Resensies  |  Boeke
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.