Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Boeke
FAK huldig Dalene Matthee in Knysna-bos

Die Knysna-bos was vir die skrywer Dalene Matthee soos ’n enorme “kragstasie” waaruit sy inspirasie geput en energie gekry het.

So het Alta Scott, broerskind van Matthee, Saterdag op ’n kranslegging by ’n gedenkteken vir Matthee in die bos op die 16de herdenking van haar dood gesê.

Een van Matthee se boeke, Toorbos, is in ’n rolprent omskep en as Suid-Afrika se amptelike inskrywing vir die 93ste Oscar-toekennings vanjaar in die afdeling vir beste internasionale rolprent gekies.

Alta Scott, broerskind van die skrywer Dalene Matthee, Saterdag tydens ’n kranslegging by ’n gedenkteken vir Matthee in die Knysna-bos. Foto: Jackie Kruger

Die kranslegging is deur die Federasie van Afrikaanse Kultuurverenigings (FAK) se kultuurnetwerk in Mosselbaai, die Dameskring en die Voortrekkerkommando in George gereël.

Volgens Scott het haar tannie dinge op ’n ander manier gedoen. Sy was ’n natuurlike mens wat byvoorbeeld min gepla was met iets soos om baie klere te hê.

“As kinders het sy ons opgepas en altyd stories vertel en ons vermaak,” sê sy.

Matthee het ook altyd die bos “gegroet” en in feë geglo en vir hulle kos in haar tuin gegee, het sy gesê.

Matthee is op die geleentheid ook geloof vir al haar boeke wat die Knysna-bos, sy mense en olifante aan die wêreld bekend gestel het.

Scott en haar ma, Minee, (Matthee se broer, Harry Scott, se vrou) het onder andere kranse gelê. Die sanger Petronel Baard het die “Magaliesburgse Aandlied” gesing, waarna die groep die Kringe in ’n Bos-staproete gestap het.

Matthee is op 20 Februarie 2005 in Mosselbaai dood. Haar as is gestrooi by Krisjan-se-Nek, waar die gedenkteken ook opgerig is.

Meer oor:  Fak  |  Dalene Matthee  |  Huldig  |  Skrywer  |  Kranslegging
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.