Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Boeke
Jodi Picoult praat nou Afrikaans

Meer as 40 miljoen eksemplare van Jodi Picoult se romans is wêreldwyd in druk, en nou is ‘Die belydenis’, die eerste van minstens drie beplande Afrikaanse vertalings deur Daniel Hugo, op die rak.

Die veelbekroonde Amerikaanse skrywer Jodi Picoult het meer as 25 boeke op haar kerfstok wat al in 34 tale vertaal is.

Haar roman Plain Truth (2000), wat die storie vertel van Katie Fisher, ’n ongetroude Amiese meisie wat beskuldig word van die moord op haar pasgebore baba, het pas in Afrikaans verskyn by Jonathan Ball onder die titel Die belydenis.

By die Woordfees
Deborah Steinmair en Sara-Jayne King van Cape Talk voer op 10 Maart (17:00) in die Drostdy-teater ’n Skype-onderhoud met Picoult, wat in New Hampshire in die VSA saam met haar man en drie kinders woon. Kaartjies kos R65 by Computicket of R85 by die deur.

Die vertaler is die digter Daniel Hugo, wat reeds twee keer deur die Suid-Afrikaanse Akademie vir Wetenskap en Kuns vereer is vir sy vertalings uit Nederlands na Afrikaans.

Die skrywer en ouduitgewer Kerneels Breytenbach loof Die belydenis as ’n “uitstekende vertaling” wat Afrikaanse lesers wat nog nie Picoult se werk ken nie aan haar skrywerskap sal bekend stel.

En nog is dit het einde niet: In Mei verskyn Negentien minute, Hugo se vertaling van Nineteen Minutes (2007), die eerste Picoult-roman wat in die nr. 1-posisie op The New York Times se topverkoperlys gedebuteer het. Dit vertel die verhaal van ’n skoolskietery en die gebeure wat dit voorafgegaan en daarop gevolg het.

En as alles volgens plan verloop, verskyn Picoult se nuwe roman (die titel is nog nie bekend gemaak nie) in September vanjaar – sowaar gelyktydig in Engels en Afrikaans.

  • Uitgewer: Jonathan Ball. Prys: R190 (Die belydenis) en R220 (Negentien minute).
Meer oor:  Daniel Hugo  |  Jodi Picoult  |  Woordfees  |  Vertaling  |  Die Belydenis
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.