Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Boeke
Woord-prentjies in volkleur bekoor

Fiksie (Rubrieke)

Vervleg

Petro Hansen

PROTEA, R180

Petro Hansen is goed gevestig as rubriekskrywer.

Maar die ding met rubrieke is dat hulle te vinnig verby die gesigsveld beweeg.

Soms is dit ’n geval van: “Ek het anderdag hierdie stukkie gelees, in een of ander koerant, ek kan nou nie onthou wie het dit nou weer geskryf nie, ek wens ek het dit gebêre . . .”

Daarom is dit so waardevol om ’n bundel in die hande te kry waarin ’n heerlike versameling rubrieke byeengebring is om te kan lees en weer te kan terugblaai om te geniet.

Die titel – Vervleg – is inderdaad baie goed gekies.

Petro vleg gedagtes oor alles van vakansieherinneringe en Bosveldstaaltjies tot besinning oor die hoop of hopeloosheid van die tyd waarin ons ons bevind, grasieus bo-oor en onderdeur mekaar in hierdie bloemlesing.

Die temas strek wyd, maar aangesien haar stem deurgaans onmiskenbaar haar eie bly raak dit nie lukraak nie.

Sy bevind haar net so tuis in stof as in sproeireën, en sy maak sonder moeite haar leser gemaklik saam met haar.

Enkele bladsye van mekaar af vertel sy onder meer van ’n “woestynskouspel” – die Bray-July, ’n perderesies in die middel van die Noordwesvlakte – en dan net ’n storie of twee verder, van ’n besoek saam met haar bejaarde ma aan Babylonstoren.

Albei vertellings ewe outentiek en sonder fieterjasies. Sy bevind haar net so tuis in stof as in sproeireën, en sy maak sonder moeite haar leser gemaklik saam met haar.

Die ander ding van rubrieke is dat hulle eintlik klein, smaaklike happies is wat bedoel is om gedeel te word.

Daarom is ek nie heeltemal seker wat ek met Vervleg wil doen noudat ek dit gelees het nie.

Om dit net op my boekrak te sit, sal ’n skande wees. Ek dink dit hoort heel bo-op die hoop koffietafelboeke in my woonkamer. Want elke kort bydrae lees soos ’n foto-artikel in die kleine: volkleur-woordprentjies vol teks-tuur en betekenis.

’n Heerlike geskenk op die koop toe.

Clari Niemand is ’n vryskutresensent van Pretoria.

Meer oor:  Petro Hansen  |  Resensies  |  Boeke
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.