Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Celebs
KYK: Kate se pragfoto’s vir Vadersdag

Prins William is Sondag sekerlik vrot bederf, nie net omdat dit Vadersdag is nie, maar ook sy 38ste verjaarsdag.

Twee pragfoto’s van hom en sy kinders is Saterdagaand laat deur Kensingtonpaleis uitgereik. Die foto’s is die afgelope Vrydag by Anmer Hall in Norfolk geneem deur Catherine, hertogin van Cambridge.

Groot pret saam met pappa! Catherine, hertogin van Cambridge, het die afgelope Vrydag dié pragfoto van haar man en kinders by hul plattelandse woning in Norfolk geneem. Foto: Catherine, hertogin van Cambridge/versprei deur Getty Images

Die gesin bring die staat van inperking in hul plattelandse woning op die Sandringham-landgoed deur. Hoewel prinses Charlotte al kon terugkeer skool toe, het die paartjie besluit om haar steeds tuis te onderrig totdat prins George ook kan terugkeer skool toe.

Maar asof dié twee foto’s nie genoeg was nie, is nóg ’n pragfoto van prins Charles en William op Clarence House se sosiale media uitgereik. Dié foto is ook deur Catherine geneem. Dit is ’n lieflike informele foto wat nie dikwels van die koninklikes gesien word nie.

Die meeste lede van die koninklike gesin, behalwe koningin Elizabeth, het verlede week hul koninklike pligte hervat. Die koningin sal nog geruime tyd in afsondering saam met prins Philip in Windsorkasteel wees.

prins william
Kensingtonpaleis het vroeg Sondagaand nóg 'n foto uitgereik. Hier pak al drie prins William se kinders hom toe. Foto: Catherine, hertogin van Cambridge/Twitter
Prins William saam met sy drie kinders, prins George, prinses Charlotte en prins Louis op sy skoot, op die swaai wat prins Charles as trougeskenk vir hom en Catherine gegee het. Foto: Catherine, hertogin van Cambridge/versprei deur Getty Images
Dié pragtige en informele foto van prins Charles en prins William is in Desember verlede jaar deur Catherine, hertogin van Cambridge, geneem. Foto: Clarence House/Instagram

William het verlede Vrydag by die plaaslike bakkery in King’s Lynn gaan inloer, waar hy eers sy hande by die deur ontsmet het voordat hy met die eienaars gesels het.

Catherine gesels met die eienaars van die tuinsentrum, Martin en Jennie Turner. Die tuinsentrum moes weens inperkingsmaatreëls weke lank hul deure sluit. Foto: Reuters
Prins William met die spesiale verjaarsdagkoek wat hy by Smiths the Bakers as geskenk gekry het. Foto: AP

Hy het boonop ’n versierde verjaarsdagkoek as geskenk gekry en onder meer croissants en konfyt gekoop. Hy het vertel hoe hulle as gesin bak en brou in die kombuis en dit ’n absolute ontploffing van meel en sjokolade is.

Catherine het Donderdag ’n kwekery so twintig minute van Anmer Hall af besoek. Dié tuinsentrum moes vir sewe weke hul deure sluit weens Covid-19.

Daar is nie vooraf kennis gegee van die twee se besoeke nie, om te verhoed dat skares saamdrom te midde van die Covid19-pandemie.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.