Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Celebs
Veteraanakteur Sam Phillips (72) sterf
Die veteraanakteur Sam Phillips (72) is Saterdag oorlede. Foto: Verskaf

Die veteraanakteur Sam Phillips is Saterdag in die ouderdom van 72 oorlede.

Die afsterwe van Phillips, wat ook as ’n regisseur, vervaardiger, skrywer en komponis gewerk het, is deur sy dogter, Mpumi Phillips, bevestig.

“Hy sal met deernis vir sy glimlag en werk in die Suid-Afrikaanse vermaakbedryf onthou word, maar veral ook vir sy vreeslose inspirasie en die voorbeeld wat hy gestel het,” het Mpumi aan die Daily Sun gesê.

Die ANC het ook Saterdag sy medelye met Phillips se geliefdes betuig. “Ons betuig ons innige meegevoel met sy familie, vriende en kollegas. Mag hulle vertroosting vind in die wete dat hul verlies die land se verlies is,” het die party in ’n verklaring gesê.

Die talentvolle Phillips was vir dekades lank op Suid-Afrikaanse televisieskerms in ’n aantal gewilde televisieproduksies soos Backstage en Soul City en die meer onlangse Isibaya en Kings of Jo’Burg. Hy het ook in internasionale toneelstukke opgetree en die lirieke vir die musiek vir die rolprent Bopha!, wat deur die Hollywood-akteur Morgan Freeman geregisseer is, geskryf.


Meer oor:  Sam Phillips  |  Oorlede
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.